नेपाल राष्ट्र बैंकले दुई अर्ब २५ करोड रुपैयाँको ट्रेजरी बिल विक्रि गर्ने भएको छ । सरकारका लागि आन्तरिक ऋण उठाउन राष्ट्र बैंक अन्तर्गत राष्ट्र ऋण व्यवस्थापन विभागले आगामी सोमबार उक्त ट्रेजरी बिल विक्रि गर्न लागेको हो । विभागले ९१ दिने अवधिको ट्रेजरी बिल विक्रि गर्न लागेको हो । जसअनुसार, उक्त ट्रेजरी बिलको सावाँ तथा व्याज आगामी फाल्गुन १० गते फिर्ता हुनेछ । ट्रेजरी बिल अनलाइन बोलकबोलका आधारमा विक्रि गरिने बताइएको छ ।
