बैंकिङ खबर/बैंकिङ कसूर मुद्दामा फरार एकजना प्रतिवादीलाई प्रहरीले काठमाडौँको सुन्धाराबाट पक्राउ गरेको छ । पक्राउ पर्नेमा झापाको बिर्तामोड नगरपालिका–६ घर भएर कपन बस्दै आएका प्रविण संग्रौला छन् ।
४२ वर्षीय संग्रौलालाई काठमाडौँको सुन्धाराबाट पक्राउ गरिएको उपत्यका अपराध अनुसन्धान कार्यालयले जनाएकाे छ । उच्च अदालत पाटनले उनलाई २१ लाख जरिवना, ८४ हजार क्षतिपूर्ति र ७ दिन कैद सजाय हुने फैसला गरेको छ ।
२०८० वैशाखमा सो फैसला भएपछि उनी फरार थिए । प्रतिवादीलाई फैसला कार्यान्वयनका लागि प्रहरीले जिल्ला अदालत ललितपुरमा उपस्थित गराएको छ ।
