नेपाल राष्ट्र बैंकले सवा चार अर्ब रुपैयाँको ट्रेजरी बिल जारी गर्ने भएको छ । सरकारका लागि आन्तरिक ऋण जुटाउन राष्ट्र बैंकअन्तर्गत राष्ट्र ऋण व्यवस्थापन विभागले चार अर्ब २५ करोड रुपैयाँ बराबरको ट्रेजरी बिल विक्रि गर्न लागेको हो ।
उक्त ट्रेजरी बिल सोमबार दिउँसो २ बजे अनलाइन बोलकबोलका आधारमा बिक्रि गरिने बताइएको छ । ९१ दिने अवधिको तीन अर्ब ८५ करोड रुपैयाँको र ३६४ दिने अवधिको ४० करोड रुपैयाँ बराबरको ट्रेजरी बिल विक्रि गरिने राष्ट्र बैंकले जनाएको छ । ट्रेजरी सिबल खरिद गर्नका लागि अनलाइन बिडिङ सिस्टममार्फत बोलकबोल गर्नुपर्नेछ ।
९१ दिने अवधिको ट्रेजरी बिल आगामी माघ २५ गते परिपक्व हुनेछ भने ३६४ दिने अवधिको ट्रेजरी बिल ०७४ कात्तिक २१ गते परिपक्व हुनेछ ।
