नेपाल राष्ट्र बैंकअन्तर्गत राष्ट्र ऋण व्यवस्थापन विभागले सरकारका लागि पुनः नौ अर्ब ९१ करोड रुपैयाँ बराबरको ऋण उठाउने भएको छ । विभागले आइतबार ९१ दिने, १८२ दिने र ३६४ दिने गरी तीन प्रकारका ट्रेजरी बिल जारी गरी कुल नौ अर्ब ९१ करोड ५० लाख रुपैयाँ बराबरको आन्तरिक ऋण उठाउन लागेको हो । आइतबार दिउँसो ३ बजे उक्त ट्रेजरी बिलका लागि बोलकबोल हुने राष्ट्र बैंकले जनाएको छ ।
राष्ट्र बैंकले ९१ दिने अवधिको आठ अर्ब २३ करोड रुपैयाँ, १८२ दिने अवधिको ५० करोड रुपैयाँ र ३६४ दिने अवधिको एक अर्ब १८ करोड ५० लाख रुपैयाँ बराबरको ट्रेजरी बिल अनलाइन बिडिङ प्रणालीमार्फत विक्रि गर्न लागेको हो । ९१ दिने अवधिको ट्रेजरी बिल आगामी पुस ५ गने, १८२ दिने अवधिको आगामी चैत्र ८ गते र ३६४ दिने अवधिको ट्रेजरी बिल ०७४ असोज ३ गते परिपक्व हुने राष्ट्र बैंकले जनाएको छ ।
अनलाइन बोलकबोलका लागि यहाँ क्लिक गर्नुहोस् ।
