काभ्रे जिल्लाको बनेपामा केन्द्रीय कार्यालय रहेको मिर्मिरे माइक्रोफाइनान्स डेभलपमेन्ट बैंक लिमिटेडले गत साता तीन वटा शाखा कार्यालय स्थापना गरी सञ्चालनमा ल्याएको छ । बैंकले फागुन २५ गते चितवनको पर्साधापमा, २६ गते चितवनकै बरुवाबजारमा र २९ गते मकवानपूरको शिखर कटेरीमा नयाँ शाखा विस्तार गरेको हो । तीनवटै शाखाको उद्घाटन सञ्चालक समितिका अध्यक्ष टेकबहादुर बोहराद्धारा गरिएको बैंकले जनाएको छ ।
यससँगै मिर्मिरे माइक्रोफाइनान्सको शाखा संख्या ३३ पुगेको छ । १५ जिल्ला कार्यक्षेत्र भएको माइक्रोफाइनान्सले आफ्नो कार्यक्षेत्रका सबै जिल्लामा शाखा विस्तार गरिएको बताएको छ ।
लघुवित्तीय सेवाको माध्ययमबाट निरपेक्ष गरिवीको रेखामुनी रहेको विपन्न वर्गमा स्वरोजगारको अवसर सिर्जना गरि महिला सशक्तिकरण तथा आयस्तरमा बृद्धि गराउने उद्धेश्यले २०६७ सालमा मिर्मिरे माइक्रोफाइनान्सको स्थापना गरिएको थियो ।
