लुम्बिनी बैंकका प्रमुख कार्यकारी अधिकृत शोभनदेव पन्तले बैंक छोडेका छन् । उनले आइतबार साँझ आफ्ना कर्मचारीहरुलाई ईमेल लेख्दै बैंक छाडेको जानकारी दिए । लुम्बिनीसँगको १० बर्षे यात्राबाट सोमबारदेखि अलग भएको ईमेलमा लेखेका छन् । लुम्बिनीमा कार्यकाल बाँकी छँदै सञ्चालक समितिलाई अब नबस्ने जानकारी गराएका थिए । उनकै आग्रहमा सञ्चालक समितिले पन्तलाई बाहिरिन अनुमति दिएको हो । लुम्बिनी बैंक छोडेपनि बैंकिङ भने नछोड्ने उनले बताएका छन् ।
२०४१ सालबाट बैंकिङ करियर सुरु गरेका पन्तले नेपाल राष्ट्र बैंकको विशेष आग्रहमा २०६२ सालदेखि लुम्बिनी बैंकको नेतृत्व लिएका थिए । नबिल बैंकबाट करियर सुरु गरेका पन्त त्यस बेला वित्ती क्षेत्र सुधार कार्यक्रम अन्तर्गत नेपाल बैंकको व्यवस्थापन समूहमा थिए । उनले वित्तीय क्षेत्रमा ३२ बर्ष बिताएका छन् ।
