बैंकिङ खबर/ गभर्नर बन्ने पक्का जस्तै मानिएका राष्ट्र बैंकका कार्यकारी निर्देशक डा.गुणाकर भट्ट राजीनामा स्वीकृत नभएपछि अमेरिका पुगेका छन् ।
गभर्नर नियुक्ति प्रक्रियामा देखिएको विवाद र राजनीतिक चलखेलपछि उनी अमेरिका प्रस्थान गरेका हुन् । नेपाली कांग्रेसका सभापति शेरबहादुर देउवाले गभर्नरका लागि उनको नाम अगाडि बढाएका थिए । तर राष्ट्र बैंककी कामु गभर्नर निलम ढुंगानाले उनको राजीनामा स्वीकृत गरिनन् । उनकी छोरी लामो समयदेखि त्यहि बस्दै आएकी छन् ।
