बैंकिङ खबर/बैंकिङ कसूर मुद्दाका फरार प्रतिवादी अछामको साँफेबगर नगरपालिका–३ घर भई काठमाडौं महानगरपालिका–३१ आलोकनगर बस्ने २० वर्षीय आकाश कुँवरलाई बिहीबार साँझ प्रहरीले पक्राउ गरेको छ ।
जिल्ला अदालत काठमाडौं बबरमहलको गत साउन २३ गतेको फैसलाले ४ लाख जरिवाना र १६ हजार रूपैयाँ क्षतिपूर्ति बापत पीडित राहतकोषमा जम्मा गराउने सजाय ठहर भई फरार रहेका उनलाई काठमाडौं उपत्यका अपराध अनुसन्धान कार्यालय काठमाडौंबाट खटिएको प्रहरी टोलीले काठमाडौंको मैतीदेवीबाट पक्राउ गरेको छ । फैसला कार्यान्वयनको लागि उनलाई जिल्ला अदालत ललितपुर पाटन पठाइएको छ ।
