बैंकिङ खबर/ मर्जर तथा वैदेशिक साझेदार भित्र्याउने विशेष प्रस्तावसहित अहिले नबिल बैंकको ४९औँ साधारणसभा भइरहेको छ। काठमाडौंको राष्ट्रिय सभामा जारी रहेको साधारण सभाले मर्जर तथा वैदेशिक साझेदार भित्र्याउने प्रस्ताव अगाडि सार्नेछ।
प्रस्तावमा नबिल बैंक र अन्य उपयुक्त बैंक तथा वित्तीय संस्थाहरु एक आपसमा गाभ्न/गाभिन तथा वैदेशिक रणनीति साझेदारीमा जान उपयुक्त देखिएमा बैंकको चल/अचल सम्पत्ति र दायित्व तथा कारोबारको मूल्यांकनका लागि मूल्यांकनकर्ता नियुक्त गर्नेे, मर्जर गर्नेसम्बन्धी सम्झौता गर्न, वैदेशिक साझेदारीमा जानेसम्बन्धी निर्णय गर्न तथा सो सम्बन्धी आवश्यक प्रक्रिया अगाडि बढाउन सञ्चालक समितिलाई अधिकार प्रदान गर्ने उल्लेख गरिएको छ।
बैंकले आजै साधारणसभामार्फत चुक्ता पुँजीको १० प्रतिशतका दरले हुने २ अर्ब ७० करोड रुपैयाँबराबरको नगद लाभांशको प्रस्तावलाई पनि पारित गर्नेछ।
