बैंकिङ खबर/बैंकिङ कसुर मुद्दामा फरार रहेका ४१ वर्षीय सुकबिर लुङवा तामाङलाई प्रहरीले पक्राउ गरेको छ। तामाङ तेह्रथुमको फेदाप गाउँपालिका–१ लामथुम्बा घर भई हाल टोखा नगरपालिका–८, अर्याल बस्तीमा बसोबास गर्दै आएका थिए।
प्रहरीका अनुसार जिल्ला अदालत काठमाडौंबाट २०८१ चैत ३ गते पक्राउ अनुमति प्राप्त भएको मुद्दामा फरार रहेका तामाङलाई काठमाडौं उपत्यका अपराध अनुसन्धान कार्यालय टेकुबाट खटिएको टोलीले आइतबार पक्राउ गरेको हो।
उनीमाथि आवश्यक अनुसन्धान तथा कारबाही प्रक्रिया अघि बढाउनका लागि जिल्ला प्रहरी परिसर, काठमाडौं पठाइएको प्रहरीले जानकारी दिएको छ।
