बैंकिङ खबर । संयुक्त राष्ट्रसंघका महासचिव एन्टोनियो गुटेरेसले कोरोनाले अस्थिरता, अशान्ति र संघर्ष, बढाएको बताएका छन् । गुटेरेसले कोरोनाले अर्थव्यवस्थालाई असर गरिरहेको र यसले आर्थिक मन्दीलाई नराम्रोसँग धक्का दिने बताउँदै चिन्ता व्यक्त गरेका छन् ।
उनका अनुसार विकसित देशहरूले निश्चित रूपमा विकासोन्मुख राष्ट्रहरूलाई सहयोग गर्नुपर्नेछ । गुटेरेसले संयुक्त राष्ट्रसंघको रिपोर्ट प्रस्तुत गर्दै विश्वका सबैलाई कोरोनाले खतरामा पार्ने बताएका छन् । यसले अर्थव्यवस्थामा असर गरिरहेको र यसले अस्थिरता, अशान्ति र संघर्ष निम्त्याउँने उनको भनाई छ । यदि हामीले तथ्यहरूलाई हेर्यौं भने, यो महामारी दोस्रो विश्वयुद्ध पछि सबैभन्दा ठूलो चुनौती हो । उनले भनेका छन् । गुटेरेसले कोरोनालाई जबरजस्ती र प्रभावकारी ढंगले व्यवहार गर्नु आवश्यक रहेको बताएका छन् ।
संयुक्त राष्ट्र प्रमुखले महामारीका सम्बन्धमा विश्व नेताहरूसँग सम्पर्कमा रहेको कुराको उनले जानकारी दिएका छन् । सम्पूर्ण विश्व यस रोगको शिकारमा रहेको र यसबाट बाहिर आउने व्यावहारिक तरिकाको जानकारी लिई सबैं सँगै बाहिर निस्किनुपर्ने उनको भनाई छ । उनले भनेका छन् ‘यसको सामना गर्न छिटो काम गर्नु आवश्यक छ । हामी बिस्तारै सहि दिशामा गइरहेका छौं, यदि हामी भाइरसलाई हराउन र मानिसहरूलाई सहयोग गर्न चाहन्छौं भने हामीले अझ बढी गर्नुपर्दछ, यदि विकसितले विकासोन्मुख देशहरूलाई सहयोग गरेन भने लाखौं मृत्यु हुनेछ’ गुटेरेसले विकसित देशहरूले विकासोन्मुख राष्ट्रहरूलाई सहयोग गर्नुपर्ने बताएका छन् । उनले चेतावनी दिदै नत्र कोरोना संसारको दक्षिणी भागमा जंगलको आगो जस्तै फैलने, लाखौं मानिस मर्नेछन् । जहाँ यो रोकिएको छ, त्यहाँ फेरि संक्रमण सम्भावना हुने बताए । यस्तै भाइरसको ट्रान्समिसन रोक्नका लागि जाँच, मामलाको ट्रेसिंग क्वारेंटाइन र उपचार क्षमताको वृद्धि गर्नुपर्ने तथा उपचारमा संलग्न व्यक्तिहरू सुरक्षित हुनुपर्ने उनले उल्लेख गरेका छन् ।
