Friday , May 25 2018

दार्चुलाको गोकुलेश्वरमा निर्धन उत्थान बैंकको ब्यवसायिक तरकारी खेती तालिम सम्पन्न

May 10, 2018

निर्धन उत्थान बैंक लिमिटेडले बैंकका आफना ३० जना ग्राहक सदस्यहरुको सहभागितामा २०७५ बैशाख २३ गतेदेखि २५ गतेसम्म दार्चुला जिल्लाको गोकुलेश्वरमा “ब्यवसायिक तरकारी खेती तालिम” सम्पन्न गरेको छ । तरकारी खेती गरी रहेका बैंकका ग्राहक सदस्यहरुलाई थप ज्ञान, सीप प्रदान गर्न यस तालिममा सहभागी गराईएको बैंकको क्षेत्रीय कार्यालय अत्तरियाका क्षेत्रीय प्रमुख शंकर प्रसाद न्यौपानेले बताए । 

तालिममा हिउँदे तरकारी खेती प्रविधि, करेसाबारी, लहरे तरकारी खेती प्रविधि, जरे तरकारी र कोसे तरकारी खेती प्रविधि, तरकारी खेतीमा मलखादको प्रयोग, सिंचाई तथा ब्यवस्थापन, साग बाली खेती र बेमौसमी तरकारी खेती प्रविधि, तरकारी वालीमा लाग्ने रोग तथा किराहरु, विषादी ब्यवस्थापन, तरकारी वालीमा उचित पोष्ट हार्भेष्ट, बजार ब्यवस्थापन, टमाटर खेतीको स्किम, च्याउ खेती स्किम, बचत परिचालन र बचतका फाईदाहरु, बैंकका सेवाहरु लगायतका विषयमा प्रशिक्षण दिइएको बैंकका गोकुलेश्वर शाखाका प्रमुख भुसालले बताए ।

निर्धन उत्थान बैंक लिमिटेड र सक्षमको संयुक्त पहलमा संचालन गरिएको तालिममा प्रशिक्षकहरु डम्मर सिंहभाट, जानकी विष्ट जोशी, शंकर प्रसाद न्यौपाने रहेका थिए । तालिममा सहभागीहरुलाई स्वागत गर्नुका साथै तालिमको उद्देश्य बारेमा बैंकको गोकुलेश्वर शाखाका प्रमुख राम प्रसाद भुसालले प्रकाश पारेका थिए ।

निर्धन उत्थान बैंक लिमिटेड ७ वटै प्रदेशका देशको ७७ वटै जिल्लाहरुको शाखा संञ्जाल रहेको नेपालको एक मात्र सबैभन्दा ठूलो लघुवित्त संस्था हो । बैंकले १७९ वटा शाखाहरु, १० वटा क्षेत्रीय कार्यालय र केन्द्रीय कार्यालय गरी १९० वटा कार्यालयहरुको स्थापना गरी बैंकले लघुवित्त सेवा पुर्याई रहेको छ । 

बैंकले २०७४ चैत्रसम्ममा ३ लाख ९ हजार घरपरिवारहरुमा सेवा विस्तार गरेको छ । बैंकको २०७४ चैत्रसम्ममा लगानीमा रहेको कर्जा रु. १४ अरब ७८ करोड रहेको छ भने ग्राहक सदस्यहरुका ७ अरब ८८ करोड बचत परिचालन गरेको छ । 


 

Leave a Reply

Your email address will not be published. Required fields are marked *

× Success! This alert box could indicate a successful or positive action.