“सधै तपाईंको साथ” भन्ने मुलनाराका साथ अघि सरेको ज्योति लाईफ इन्स्योरेन्स कम्पनी लिमिटेडले व्यवसायिक सद्भावना दुतका रुपमा नायक राजेश हमाललाई आबद्ध गराएको छ । आगामि २ वर्षको लागि आबद्धता सम्बन्धी सम्झौता सम्पन्न भएको छ । कम्पनीका संचालकद्वय नन्दकिशोर शर्मा र आकाशगोल्छा सहितको समुपस्थितिमा उक्त सम्झौता पत्रमा ज्योति लाइफ इन्स्योरेन्सका कार्यकारी उप–प्रमुख प्रकाशविक्रम खत्री र राजेश हमालले हस्ताक्षर गरेकबा छन् । नेपालको १२ औं जीबन बीमा कम्पनीको रुपमा २०७४ आश्विन ८ गतेबाट औपचारिक व्यवसाय शुरुवात गरेको ज्योति लाईफ इन्स्योरेन्सले स्थापनाको छोटो अवधिमा २७ वटा शाखा संजाल विस्तार गरेको छ । जीवन बीमा सम्बन्धि जनचेतना फैलाउन यस कार्यले सहयोग पुग्ने अपेक्षा गरिएको छ । मुलुकमा जीवन बीमाको संख्यासँगै बिस्तारै बीमा शिक्षा पनि अघि बढ्न थालेको छ ।
