कन्काई विकास बैंक सिलमिटेडले असोज ३१ गतेदेखि पाँच लाख ४९ हजार नौ सय ३७ कित्ता सेयर लिलामीमा निकाल्ने भएको छ । बैंकले गत साउन ९ गतेदेखि भदौ ११ गतेसम्म हकप्रद सेयर निष्काशन गर्ने क्रममा नबिकेको संस्थापक तर्फको तीन लाख ८१ हजार छ सय ५० कित्ता र सर्वसाधारण तर्फको एक लाख ६८ हजार दुई सय ८७ कित्ता सेयर बोलकबोलमार्फत विक्री गर्न लागेको हो ।
कन्काईले न्यूनतम मूल्य प्रतिसेयर एक सय रुपैयाँ तोकेको छ । जसअनुसार,सोभन्दा बढीको मूल्य अङ्कित गरि बोलकबोल गर्नुपर्ने जानकारी गराएको छ । आवेदकहरुले सेयर खरीद गर्दा न्यूनतम सय कित्ता र अधिकतम सम्पूर्ण सेयरको लागि आवेदन दिन सक्ने रहेको छ ।
बैंकको सेयर निष्काशन तथा विक्री प्रबन्धक सिद्धार्थ क्यापिटल लिमिटेड रहेको छ । लिलाम सेयरमा कात्तिक १० गतेसम्म आवेदन दिन सकिनेछ ।
बैंकले प्राप्त बोलपत्र कात्तिक १२ गते खोल्ने जानकारी दिएको छ ।
