टुरिजम डेभलपमेन्ट बैंक लिमिटेडले चालू आर्थिक वर्षको दोस्रो त्रैमासमा १४ करोड ६३ लाख रुपैयाँ खुद मुनाफा आर्जन गरेको छ । बैंकले गत आर्थिक वर्षको सोही अवधिको तुलनामा एक सय पाँच दशमलव ६३ प्रतिशतले बढी नाफा कमाएको हो । गत आर्थिक वर्षको दोस्रो त्रैमासमा टुरिजमले सात करोड १९ लाख रुपैयाँ मुनाफा आर्जन गरेको थियो ।
९१ करोड ९७ लाख रुपैयाँ चुक्ता पूँजी भएको बैंकले निक्षेपमा ५० दशमलव ५६ प्रतिशतले वृद्धि गरी १० अर्ब ७४ करोड १३ लाख रुपैयाँ संकलन गरेको छ । जसबाट कर्जामा नौ अर्ब २४ करोड १७ लाख रुपैयाँ लगानी गरेको छ । बैंकको खुद व्याज आम्दानी ९५ प्रतिशतले बढेर २६ करोड ८४ लाख रुपैयाँ पुगेको छ भने सञ्चालन मुनाफा ७९ दशमलव ०४ प्रतिशतले बढेर १८ करोड ८१ लाख रुपैयाँ पुगेको छ ।
निष्कृय कर्जा एक दशमलव ३० प्रतिशत र जोखिमयुक्त सम्पत्ति १३ दशमलव ३३ प्रतिशत रहेको बैंकले चार करोड ९५ लाख रुपैयाँ प्रोभिजनमा राखेको छ । त्यस्तै, जगेडाकोषमा बैंकले ४८ करोड ६९ लाख रुपैयाँ राखेको छ । यो अवधिमा बैंकले चार करोड २२ लाख रुपैयाँ खराब कर्जा उठाएको जनाएको छ ।
टुरिजम डेभलपमेन्ट बैंकको प्रतिसेयर आम्दानी वार्षिक ३१ दशमलव ८३ रुपैयाँ, मुल्य आम्दानीको अनुपात १३ दशमलव ५१ गुणा र प्रतिसेयर नेटवर्थ एक् सय ५२ दशमलव ९४ रुपैयाँ रहेको छ ।