२०७३।०८।०१ मा सम्पन्न नेपाल बैंकर्स संघको ३० औँ वार्षिक साधारणसभाले उपाध्यक्ष अनिल केशरी शाहलाई संघको अध्यक्षमा निर्वाचित गरेको छ । सोही सभाले कार्यकारीणी समितिका सदस्य ज्ञानेन्द्र ढुंगानालाई उपाध्यक्षमा नियुक्त गरेको छ । वर्तमान अध्यक्ष उपेन्द्र पौडेल र शाहको समेत पदावधि सकमप्त भएकाले ती पदहरु रिक्त भएका थिए । संघमा दुई जना उपाध्यक्ष रहने व्यवस्थाअनुसार अर्को उपाध्यक्ष किशोर महर्जनको पदावधि भने बाँकी नै छ । संघको विधानअनुसार, निवर्तमान अध्यक्ष उपेन्द्र पौडेल संघको कार्यकारीणी समितिका पदेन समस्य रहनेछन् । सोही सभाले राजनसिंह भण्डारीलाई सल्लाहकारमा नियुक्त गरेको छ । यसअघि भण्डारी निवर्तमान अध्यक्षको हैसियतले समितिमा पदेन सदस्य थिए ।
यी परिवर्तनपछि संघको कार्याकारीणी समितिको बनौट तथा संरचना यस्तो भएको छ ।
१. अनिल केशरी शाह, सीईओ, मेगा बैंक नेपाल लिमिटेड, अध्यक्ष
२. उपेन्द्र पौडेल, सीईओ, एनएमबी बैंक लिमिटेड, निवर्तमान अध्यक्ष
३. किशोर महर्जन, सीईओ, सिभिल बैंक लिमिटेड, उपाध्यक्ष
४. ज्ञानेन्द्र ढुंगाना, सीईओ, नेपाल बंगलादेश बैंक लिमिटेड, उपाध्यक्ष
५. भुवन दाहाल, सीईओ, सानिमा बैंक लिमिटेड, सदस्य
६. अशोक शेरचन, सीईओ, प्रभु बैंक लिमिटेड, सदस्य
७. ज्योती प्रकाश पाण्डे, सीईओ, नेपाल इन्भेष्टमेन्ट बैंक लिमिटेड, सदस्य
८. लिला प्रकाश सिटौला, सीईओ, कृषि विकास बैंक लिमिटेड, सदस्य
९.सुदेश खालिङ, सीईओ, लक्ष्मी बैंक लिमिटेड, सदस्य
१०. राजनसिंह भण्डारी, सीईओ, सिटिजन्स बैंक इन्टरनेशनल लिमिटेड, सल्लाहकार
११. अशोक शमशेर जबरा, सीईओ, हिमालयन बैंक लिमिटेड, सल्लाहकार
१२. शसिन जोशी, सीईओ, नविल बैंक, सल्लाहकार