नेपाल स्टक एक्सचेञ्जमा आईतबार एकैदिन दुई विकास बैंकले ६४ लाख आठ हजार ८८ दशमलव ७० कित्ता सेयर सूचिकृत गराएका छन् । देवः विकास बैंकको बोनस तथा हकप्रद र एक्सेल डेभलपमेन्ट बैंकको बोनस सेयर नेप्सेमा कारोबारका सूचिकृत भएको हो ।
देवः विकास बैंकको १२ लाख ३३ हजार पाँच सय २३ दशमलव ३१ कित्ता बोनस सेयर नेप्सेमा सूचिकृत गराएको छ भने ४४ लाख पाँच हजार चार सय ४० दशमलव ३९ कित्ता हकप्रद सेयर पनि आईतबार नै सूचिकृत गराएको छ ।
त्यस्तै एक्सेल डेभलपमेन्ट बैंकले पनि आईतबार नै सात लाख ६९ हजार एक सय २५ कित्ता बोनस सेयर सूचिकरण गरेको छ ।
सेयरधनीले अबको एक साताभित्र उक्त सूचिकृत सेयर कारोबार गर्न सक्नेछन् ।