बैंकिङ खबर । संचालनमा रहेका ११ वटै राष्ट्रिय स्तरका विकास बैंकले चालु आर्थिक बर्षको प्रथम त्रैमासको वित्तीय विवरण प्रकाशन गरिसकेका छन् । ११ वटा बैंक मध्ये ९ वटा बैंकको गत बर्षको सोहि अवधिको तुलनामा खराब कर्जा घटेको देखिन्छ भने २ वटा बैंकको खराब कर्जा बढेको देखिन्छ । नेपाल राष्ट्र बैंकले ५ प्रतिशतको नजिक खराब कर्जा पुगेका बैंकहरुलाई विशेष निगरानी गर्ने गर्दछ । हेर्नुहोस् कुन बैंकको खराब कर्जा कति ?
९ बैंकको खराब कर्जा घट्यो
मुक्तिनाथ विकास बैंक
मुक्तिनाथ विकास बैंकको खराब कर्जा घटेको छ । गत आर्थिक बर्षको असोज मसान्तमा ०.०३ प्रतिशत रहेको बैंकको खराब कर्जा घटेर चालु आर्थिक बर्षको असोज मसान्तमा ०.०२ प्रतिशतमा झरेको छ ।
गरीमा विकास बैंक
गरीमा विकास बैंकको खराब कर्जा पनि घटेको छ । २०७४ असोज मसान्तमा १.०२ प्रतिशत रहेको बैंकको खराब कर्जा घटेर २०७५ असोज मसान्तमा ०.८४ प्रतिशतमा सिमित भएको छ ।
महालक्ष्मी विकास बैंक
चालु आर्थिक बर्षको असोज मसान्तमा महालक्ष्मी विकास बैंकको खराब कर्जा ३.३९ प्रतिशत रहेको छ । गत असोजमा ३.५५ प्रतिशत रहेको बैंकको खराब कर्जा घटेको हो ।
गण्डकी विकास बैंक
गण्डकी विकास बैंकको पनि खराब कर्जा घटेको छ । गत आर्थिक बर्षको असोजमा १.४० प्रतिशत रहेको बैंकको खराब कर्जा चालु आर्थिक बर्षको असोजमा घटेर ०.४६ प्रतिशतमा झरेको छ ।
ज्योति विकास बैंक
चालु आर्थिक मसान्तको प्रथम त्रैमासमा ज्योति विकास बैंकको खराब कर्जा ०.३९ प्रतिशत रहेको छ । गत आर्थिक बर्षको सोहि अवधिमा ०.८२ प्रतिशत रहेको बैंकको खराब कर्जा घटेको हो ।
कैलाश विकास बैंक
कैलाश विकास बैंकले खराब कर्जा घटाएको छ । चालु आर्थिक बर्षको असोजमा बैंकको खराब कर्जा प्रतिशत ०.३० रहेको छ । गत आर्थिक बर्षको सोहि अवधिमा बैंकको खराब कर्जा ०.९१ प्रतिशत रहेको थियो ।
कामना सेवा विकास बैंक
कामना सेवा विकास बैंकले पनि खराब कर्जा घटाएको छ । गत आर्थिक बर्षको असोजमा २.११ प्रतिशत रहेको बैंकको खराब कर्जा समिक्षा अवधिमा घटेर १.७१ प्रतिशत रहेको छ ।
लुम्बिनी विकास बैंक
लुम्बिनी विकास बैंकले पनि खराब कर्जामा सुधार गरेको छ । गत आर्थिक बर्षको असोजमा ३.१६ प्रतिशत रहेको बैंकको खराब कर्जा चालु आर्थिक बर्षको असोजमा २.८६ प्रतिशतमा झरेको छ ।
ओम डेभलपमेन्ट बैंक
ओम डेभलपमेन्ट बैंकको खराब कर्जा घटेको छ । चालु आर्थिक बर्षको असोजमा सन्राइज बैंकको खराब कर्जा १.५८ प्रतिशत रहेको छ । गत आर्थिक बर्षको सोहि अवधिमा बैंकको खराब कर्जा १.९७ प्रतिशत रहेको थियो ।
२ बैंकको खराब कर्जामा बृद्धि
सांग्रीला डेभलपमेन्ट बैंक
चालु आर्थिक मसान्तको प्रथम त्रैमासमा सांग्रीला डेभलपमेन्ट बैंकको खराब कर्जा २.४० प्रतिशत रहेको छ । गत आर्थिक बर्षको सोहि अवधिमा ०.९८ प्रतिशत रहेको बैंकको खराब कर्जा बढेको हो ।
देबः विकास बैंक
देबः विकास बैंकको खराब कर्जामा बृद्धि भएको छ । गत आर्थिक बर्षको असोजमा १.७९ प्रतिशत रहेको बैंकको खराब कर्जा बढेर चालु आर्थिक बर्षको असोजमा २.०९ प्रतिशत पुगेको छ ।