Wednesday , July 18 2018

आफ्नै भवनमा सर्यो ‘हाथवे इन्भेष्टमेन्ट नेपाल’

November 20, 2017

आइएमई समुहद्धारा प्रवद्धित हाथवे इन्भेष्टमेन्ट नेपाल लिमिटेड का.म.न.पा २६, लैनचौर स्थित आफ्नै भवन हाथवे कम्प्लेक्समा मिति २०७४।०८।०३ गते सरेको छ । नयाँ भवनको उद्घाटन कम्पनीका अध्यक्ष हेमराज ढकालले गरे । 

उद्घाटनको अवसरमा अध्यक्ष ढकालले आगामी दिनमा कम्पनीले प्राईभेट इक्यूटी र भेन्चर क्यापिटलमा कार्य गर्दै निजी क्षेत्रको उत्कृष्ट लगानी कम्पनीको रुपमा स्थापित गराउने बताए । यसैगरी प्रबन्ध संचालक अम्बिका प्रसाद पौडेलले विगतको आरोह अवरोहका विचमा कम्पनीले गरेको प्रगती यसै कम्पनीका लगानीकर्ता तथा संचालकहरुको विषेश योगदानको प्रतिफल रहेको चर्चा गरे । सो अवसरमा कम्पनीका संचालकहरु तथा समुहमा सम्वद्घ पदाधिकारीहरुको उपस्थिती थियो । 

स्थापनाको छोटो समयमा नै पुँजि बजारमा आफ्नो छुटै पहिचान बनाउन सफल यस कम्पनीको मुख्य उद्देश्य सुचिकृत कम्पनीहरुको सेयरमा लगानीगर्ने रहेको छ । पुँजि बजारका अलवा दीर्घकालीन लगानीका रुपमा रियलस्टेट, हाइड्रोपावर, बीमा व्यवसाय जस्ता क्षेत्रहरुमा समेत लगानी गरेको यस कम्पनीले विगतमा समस्याग्रत रहेका एन.बि.इन्स्योरेन्स कम्पनी लिमिटेड र अरुण फाइनान्स लिमिटेडको सेयर विभिन्न समुहमा ब्यवस्थापन गरी सफलतापुर्वक संचालनमा ल्याएको छ । 

नेपाल स्टक एक्सचेन्जको ओ.टि.सी मार्केटमा सुचिकृत यस कम्पनीको सेयर खरिद बिक्री गर्न इच्छुक लगानीकर्ताले ओ.टि.सी मार्केट मार्फत सेयर खरिद विक्री गर्न सक्ने र कम्पनीको रु ५० प्रतिकित्ता सेयर १२५ मा अन्तिम कारोबार भएको छ ।


 

Leave a Reply

Your email address will not be published. Required fields are marked *

× Success! This alert box could indicate a successful or positive action.