गत वर्ष शतप्रतिशत हकप्रद सेयर जारी गरेर ६४ करोड ८० लाख रुपैयाँ चुक्तापुँजी पुर्याएको नेको इन्स्योरेन्सले ५० प्रतिशत अर्थात दुई बराबर एकको अनुपातमा हकप्रद सेयर निष्काशन गर्ने योजना अघि सारेको छ । कम्पनीको बुधबार बसेको सञ्चालक समितिको बैठकले पुँजीवृद्धिका लागि ५० प्रतिशत हकप्रद सेयर जारी गर्ने प्रस्ताव अघि सारेको हो । उक्त प्रस्ताव बीमा समितिबाट स्वीकृत र कम्पनीको आगामी साधारणसभाबाट पारित हुन बाँकी छ ।
बीमा समितिले निर्जिवन बीमा कम्पनीहरुलाई एक अर्ब चुक्तापुँजी पुर्याउन निर्देशन दिएको छ । हकप्रद जारी गरेर नेकोले चुक्तापुँजी एक अर्बनजिक पुर्याउनेछ । गत आर्थिक वर्षको मुनाफाबाट बोनस सेयर जारी गर्दा कम्पनीको चुक्तापुँजी सजिलै एक अर्ब पुग्नेछ ।