हिमालयन जनरल इन्स्योरेन्स लिमिटेडले एक बराबर एक दशमलव ६६६७ को अनुपातमा हकप्रद सेयर निष्काशन गर्न नेपाल धितोपत्र बोर्डबाट स्वीकृति पाएको छ । बोर्डले मंगलबार (जेठ ३० गते) कम्पनीलाई हकप्रद निष्काशनको अनुमति दिएको हो ।
हिमालयनले एक सय रुपैयाँ अंकित मूल्यमा ६४ करोड २० लाख रुपैयाँ बराबरको ६४ लाख २० हजार कित्ता हकप्रद जारी गर्नेछ । यसका लागि कम्पनीले सेयर निष्काशन तथा विक्री प्रबन्धकमा एनएमबि क्यापिटल लिमिटेडलाई नियुक्त गरेको छ ।
हाल हिमालयन इन्स्योरेन्सको चुक्तापुँजी ३८ करोड ५२ लाख एक सय रुपैयाँ रहेको छ । हकप्रद जारी गरेपछि एक अर्ब दुई करोड ७२ लाख रुपैयाँ पुग्नेछ ।