सिभिल बैंक लिमिटेडले चालु आर्थिक वर्षको दोस्रो त्रैमासमा १६ करोड ७३ लाख रुपैयाँ खुद मुनाफा आर्जन गरेको छ । बैंकले गत आर्थिक वर्षको सोही अवधिको तुलनामा मुनाफामा सात दशमलव ०३ प्रतिशतले मात्रै प्रगती गरेको हो । गत आर्थिक वर्षको दोस्रो त्रैमासमा सिभिलले १५ करोड ६३ लाख रुपैयाँ मुनाफा कमाएको थियो ।
चार अर्ब ५८ करोड ३८ लाख रुपैयाँ चुक्ता पूँजी भएको बैंकले निक्षेपमा २२ दशमलब ३७ प्रतिशतले वृद्धि गरी ३२ अर्ब ९३ करोड ४९ लाख रुपैयाँको संकलन गरेको छ । कर्जातर्फ बैंकले २८ प्रतिशत वृद्धि गरी २९ अर्ब ५० करोड ५० लाख रुपैयाँ लगानी गरेको छ । बैंकको खुद व्याज आम्दानी ५० दशमलव ५१ प्रतिशतले बढेर ५४ करोड ९३ लाख रुपैयाँ पुगेको छ भने संचालन मुनाफा ९९ प्रतिशतले घटेर दुई लाख रुपैयाँ पुगेको छ ।
बैंकको निष्कृय कर्जा दुई दशमलव ३१ प्रतिशतले बढेर चार दशमलव ४५ प्रतिशत पुगेको छ भने जोखिमयुक्त सम्पति चार दशमलव ५८ प्रतिशतले बढेर १७ दशमलव ७४ प्रतिशत पुगेको छ । यो अवधिमा २६ करोड २७ लाख रुपैयाँ खराब कर्जा उठाएको बैंकले प्रोभिजनमा ४३ करोड १७ लाख रुपैयाँ राखेको छ भने जगेडाकोषमा एक अर्ब ४२ करोड ८० लाख रुपैयाँ राखेको छ । बैंकको प्रतिसेयर आम्दानी सात दशमलव ३२ रुपैयाँ, मूल्य आम्दानीको अनुपात ३४ दशमलव ४२ गुणा, प्रतिसेयर नेटवर्थ एक सय ३१ दशमलव १५ रुपैयाँ र तरलता अनुपात २४ दशमलव ६४ प्रतिशत रहेको छ ।
