admin

जनता बैंकको साहायक कम्पनीले मर्चेन्ट बैंकरको लाइसेन्स पायो

बैंकिङ खबर । जनता बैंक नेपाल लिमिटेडको शतप्रतिशत लगानीमा स्थापना भएको जनता क्यापिटल लिमिटेडलाई नेपाल धितोपत्र बोर्डबाट धितोपत्र सम्बन्धि ऐन, तथा सो अन्र्तगत बनेका नियम, निर्देशिकाको अधिनमा रही धितोपत्र व्यवसायी (मर्चेन्ट बैंकर)को रुपमा देहाय बमोजिमको कार्य गर्न सक्ने गरी अनुमति प्राप्त गरेको छ 

नेपाल धितोपत्र बोर्डले  जनता क्यापिटललाई धितोपत्र निष्काशन तथा बिक्री प्रबन्ध, धितोपत्र प्रत्याभूति, सेयर रजिष्ट्रेश, लगानी व्यवस्थापन, संस्थागत परामर्श सेवा उपलब्ध गराउनका लागि अनुमति प्रदान गरेको जनाएको छ । 

आफ्नो उदेश्य अनुरुपको व्यवसाय अगाडी बढाउन सम्पूर्ण पुर्वाधार तयार भएको जनाएको छ । 

शाइन रेसुङ्गा डेभलपमेण्ट बैंकद्धारा आँखा शिविर सम्पन्न

बैंकिङ खबर । शाइन रेसुङ्गा डेभलपमेण्ट बैंकले समासँंग बैंक भन्ने नाराका साथ  रुपन्देहीको शकरनगरमा लायन्स आँखा अस्पताल बुटवलसँगको सहकार्यमा निशुल्क आँखा शिबिर सञ्चालन गरेको छ ।

शंकरनगर शाखा कार्यालय परिसरमा सञ्चालन गरिएको उक्त शिविरमा ४२६ जना बिरामीको निशुल्क आँंखा परिक्षण गरिएको थियो । आँखा परिक्षण गरिएका मध्ये १९ जना बिरामीहरुको  शल्यक्रिया गर्नुपर्ने भएकाले लायन्स आँखा अस्पताल बुटवलमा निज विरामीहरुको निशुल्क शल्यक्रिया गर्ने व्यवस्था बैंकले मिलाइएको छ । 
 

 
 

आयोजना प्रभावित क्षेत्रका स्थानीयले आस्वाबाट सेयर आवेदन दिन सक्ने


बैंकिङ खबर । नेपाल धितोपत्र वोर्डले धितोपत्रको सार्वजनिक निष्काशनमा २०७३ माघ देखि काठमाण्डौ उपत्यकामा र मिति २०७४ श्रावण देखि नेपालभर आस्वा प्रणाली अनिवार्य रुपमा लागू गरिएको जनाएको छ । धितोपत्रको सार्वजनिक निष्काशनमा आस्वा प्रणाली सफल रुपमा कार्यान्वयन भैसकाले मुलुकभर लागु गर्न लागेको हो ।
 
आस्वा प्रणालीले सार्वजनिक निष्काशन प्रक्रियालाई छिटो छरितो सहज, पारदर्शी, स्वच्छ, प्रतिस्पर्धात्मक, लगानीमैत्री, निष्काशन वन्द भएको तीन दिनभित्रमा वाँडफाँट हुन सक्ने, दरखास्त साथ पेश गरिएको÷गरिने रकमको व्याज सम्वन्धित लगानीकर्ताले वैक खाता मार्फत स्वतः नै प्राप्त गर्न सक्ने साथै धितोपत्र बाँडफाँट भए पश्चात स्वत हितग्राहीको खातामा धितोपत्र जम्मा हुने भएकाले यसलाई अनिवार्य गरिएको वोर्डको भनाई छ ।
 
यसअघि धितोपत्रको सार्वजनिक निष्काशनमा उद्योग वा आयोजना प्रभावित क्षेत्रका स्थानीय वासिन्दाले आस्वा प्रणालीमार्फत आवेदन दिने व्यवस्था थिएन् । जसका कारण स्थानीयहरुले दरखास्त दिन झन्झट वेहोर्नु परिरहेको थियो । धितोपत्र बाँडफाँट पछिपनि शेयर नपरेको रकम फिर्ता लिन तथा धितोपत्र प्रमाणपत्र लिनका लागि झण्झट बेहोर्नुपर्ने बाध्यता थियो ।
उद्योग वा आयोजना प्रभावित क्षेत्रका स्थानीय वासिन्दाले तीन वर्ष सम्म सेयर विक्री गर्न नपाउने भएकाले त्यस अवधि सम्म डिम्याट खाताको र्वािर्षक नवीकरण शुल्क मिनाह गर्ने व्यवस्था समेत गरेको छ ।
 
आस्वा प्रणालीमार्फत देशका सबै जिल्लाका स्थानीय निकायवाट बैंक तथा वित्तीय संस्थाहरुले सेवा दिन सक्ने छन् । यस्तो व्यवस्थाबाट धितोपत्रको सार्वजनिक निष्काशन प्रक्रिया थप लगानीमैत्री हुने विश्वास वोर्डले गरेको छ । 

लक्ष्मी लघुवित्तको प्रतिसेयर आम्दानी ४० रुपैयाँ माथि

बैंकिङ खबर । लक्ष्मी लघुवित्त वित्तीय संस्थाले चालु आर्थिक बर्ष २०७५/७६को दोस्रो त्रैमासमा खुद मुनाफा ४ करोड ८५ लाख रुपैयाँ कमाएको छ । जुन गत बर्षको छ महिनामा भन्दा ८.८७ प्रतिशतले बढी हो । गत बर्षको सोही अवधिमा ४ करोड ४५ लाख रुपैयाँ मुनाफा कमाएको थियो ।

कर्जा तथा निक्षेप

२४ करोड २० लाख रुपैयाँ चुक्ता पूँजी भएको संस्थाले गत वर्षको दोस्रो त्रैमासको तुलनामा ३७.९३ प्रतिशतले निक्षेप बृद्धि गरी एक अर्व ९ करोड ९७ लाख रुपैयाँ संकलन गरेको छ भने २८.६८ प्रतिशतले कर्जा लगानीमा बृद्धि गरी ३ अर्ब १२ करोड ८० लाख लगानी गरेको छ । त्यस्तै जगेडाकोषमा १८ करोड ४३ लाख रुपैयाँ जम्मा गरेको छ ।

खुद व्याज आम्दानी

संस्थाले खुद व्याज आम्दानी १३ करोड ६६ लाख रुपैयाँ गरेको छ । जुन गत बर्षको सोही अवधिको भन्दा १६.२३ प्रतिशतले बढाएको हो । गत बर्षको यसै अवधिमा ११ करोड ७४ लाख खुद ब्याज आम्दानी गरेको थियो ।

सुचकहरु

निष्कृय कर्जा १.२१ प्रतिशत, जोखिम युक्त सम्पत्ति १३.२२ प्रतिशत रहेको छ । प्रतिसेयर आम्दानी वार्षिक ४० रुपैयाँ १० पैसा, मुल्य आम्दानीको अनुपात २०.४० गुणा, प्रतिसेयर नेटवर्थ १ सय ७६ रुपैयाँ १६ पैसा र तरलता अनुपात ७.८१ प्रतिशत रहेको छ ।

जनउत्थान सामुदायिक लघुवित्तद्धारा जोखिम व्यवस्थापन तालिम सम्पन्न

बैंकिङ खबर । जनउत्थान सामुदायिक लघुवित्त वित्तीय संस्थाले फिल्ड कर्मचारीहरुलाइृ तालिम दिएको छ । संस्थाले फिल्डमा का मगनेउृ कर्मचारीहरुकोे क्षमता अभिवृद्धि  गर्ने उदेश्यका साथ आरएमडीसी लघुवित्तको सहकार्यमा नवलपुर जिल्लाको, रजहरमा संस्थाका ७ वटा शाखा कार्यालयका २३ जना फिल्ड कर्मचारीहरुलाइ जोखिम व्यवस्थापन सम्बन्धि २ दिने तालिम दिएको हो । 

संस्थाका पूर्व अध्यक्ष यम बहादुर विश्वकर्माले तालिमको उद्घाटन गर्दैे यस तालिमले कर्मचारीहरुको कार्य क्षमतामा अभिवृद्धि हुनुका साथै नतिजामा पनि केही परिवर्तन आउने अपेक्षा गरेका छन् । साथै, लघुवित्तको लक्षित समुदाय सम्म पुगेर वित्तीय सेवाबाट बञ्चित समुहरुलाई संस्थाले दिने सेवाहरु पु¥याउन थप उत्साहित भएर लाग्न कर्मचारीहरुलाई निर्देशन समेत गरे । 

तालिम प्रशिक्षकहरुमा  संस्थाका वरिष्ठ अधिकृत इन्द्र बराली, कनिष्ठ अधिकृत भरत कुमार रसाली तथा अनुगमन अधिकृत टोप बहादुर सुनार रहेका थिए ।

तालिममा कर्मचारीहरुले जोखिम, वित्तीय संस्थाहरुमा देखिने जोखिमहरु, जोखिम व्यवस्थापन, जोखिम व्यवस्थापनको उदेश्यहरु, जोखिम व्यवस्थापन प्रकृया, कर्जा जोखिम र बच्ने रणनीति, ग्राहक पहिचान तथा व्यवस्थापन प्रकृया, शाखा कार्यालय अनुगमनको प्रतिबिम्बहरु, कर्जा विश्लेषण, कर्जा व्यवस्थापन, संस्थामा देखा परेका र देखा पर्न सक्ने जोखिमहरु तथा पौष मसान्त सम्मको प्रगति तथा लक्ष्यका बारेमा जानकारी हासिल गरेका थिए । 

हालसम्म ११ वटा तराईका जिल्ला  ८ वटा पहाडी जिल्ला गरी जम्मा १९ वटा जिल्लामा ३३ वटा शाखा कार्यालय मार्फत आफ्नो ग्राहकलाई वित्तीय सेवा विस्तार गरेको छ । संस्थाले करिब ३० हजार ७ सय ३७ जना आर्थिक रुपले विपन्न, बैंकिङ पहुँचबाट वञ्चित समुह सदस्यहरुलाई वित्तीय सेवा प्रदान गरेको छ ।
 

गुहेश्वरी मर्चेण्टको नाफामा सुधार, प्रतिसेयर आम्दानी समेत बढ्यो

बैंकिङ खबर। गुहेश्वरी मर्चेण्ट बैंकिङ एण्ड फाइनान्सको चालू आर्थिक वर्षमा खुद मुनाफा बढेको छ । फाइनान्सको चालु आर्थिक बर्षको दोस्रो त्रैमासिकमा खुद नाफा अघिल्लो आर्थिक वर्षको तुलनामा ९.६६ प्रतिशतले बढेको हो । अघिल्लो वर्ष ३ करोड ५ लाख रुपैयाँ खुद नाफा गरेको फाइनान्सको यस बर्ष खुद नाफा ३ करोड ३४ लाख पुगेको हो ।

चुक्ता पूँजी ८० करोड रहेको फाइनान्सको जगेडा कोषमा १५ करोड ९६ लाख रुपैयाँ सञ्चित छ । फाइनान्सले तीन अर्ब २९ करोड ६४ लाख रुपैयाँ निक्षेप संकलन गरी २ अर्ब ९० करोड ३२ लाख रुपैयाँ कर्जा लगानी गरेको छ ।

पुस मसान्तसम्म २३ करोड ५८ लाख रुपैयाँ ब्याज आम्दानी गरेको फाइनान्सले १६ करोड १२ लाख रुपैयाँ ब्याज खर्च गर्दा ७ करोड ४५ लाख रुपैयाँ खुद ब्याज आम्दानी गरेको छ । अघिल्लो वर्ष फाइनान्सको खुुद ब्याज आम्दानी ५ करोड ८६ लाख रुपैयाँ थियो ।

फाइनान्सको प्रतिसेयर आम्दानीमा पनि सुधार भएको छ । गत आवको दोस्रो त्रैमासमा ७ रुपैयाँ ६४ पैसा रहेको प्रतिसेयर आम्दानी चालु आर्थिक वर्षको दोस्रो त्रैमासमो ८ रुपैयाँ ३७ पैसा पुगेको हो । प्रतिसेयर नेटवर्थ १ सय १९ रुपैयाँ ९६ पैसा छ भने मूल्य आम्दानी अनुपात १५.५३ गुणा रहेको छ ।

ग्लोबल आइएमई बैंक र चिरायु नेसनल हस्पिटलबीच सम्झौता 

बैंकिङ खबर । ग्लोबल आइएमई बैंक र चिरायु नेसनल हस्पिटल एण्ड मेडिकल इन्स्टिच्युटबीच सम्झौता भएको छ । हस्पिटलले प्रदान गर्ने विभिन्न सेवा तथा सुविधाहरुमा दिइने छुट सम्बन्धी सम्झौता भएको हो । सम्भौतापत्रमा हस्पिटलको तर्फबाट  डाइरेक्टर संजिव राजभण्डारी र  बैंकको तर्फबाट कार्ड बिक्रि, वितरण तथा प्रबद्र्घन विभाग प्रमुख रविन्द्र ढकालले हस्ताक्षर गरे । 

सम्झौता पश्चात चिरायु नेसनल हस्पिटल एण्ड मेडिकल ईन्स्टिच्युटमा उपचार गराउँदा ग्लोबल आइएमई बैंकबाट डेबिट, क्रेडिट प्रिभिलेज कार्ड लिएका बैैंकका ग्राहक तथा बैंकका कर्मचारीले अस्पतालले प्रदान गर्ने विभिन्न सेवामा १५ प्रतिशत सम्म छुट पाउने छन् ।  

बैंकले आफ्ना ग्राहकहरुलाई बैंकिङ सेवाको अतिरिक्त अन्य सुविधाहरु प्रदान गर्ने उद्देश्यले लामो समयदेखि विभिन्न संस्थासँग समन्वय गरी यस्तो योजनाहरु ल्याईरहेको छ ।

हाल बैंकले मुलुकभर १३३ शाखा, १४२ एटिएम,७ एक्सटेन्सन काउण्टर, १५ राजश्व संकलन काउण्टर,११५ शाखा रहित बैंकिङ सेवा र देश बाहिर ३ प्रतिनिधि÷सम्पर्क कार्यालय मार्फत आफ्ना ९ लाख ५० हजार भन्दा बढि ग्राहकहरुलाई बैंकिङ सेवा दिँदै आइरहेको  छ । 

ब्याजदरले छोडेन सेयर बजारलाई, परिसूचकमा गिरावट कायमै

बैंकिङ खबर । सेयर बजारमा परिसूचक नेप्से घटेको छ । नेप्से १० दशमलव ८६ अंकले घटेर १ हजार १ सय ६८ दशमलव ०६ अंकमा बन्द भएको छ । क वर्गका कम्पनीहरुको कारोबार मापन गर्ने सेन्सेटिभ परिसूचक पनि १ दशमलव ८७ अंकले घटेर २ सय ४७ दशमलव ६१ अंकमा बन्द भएको छ ।

कारोबारमा आएका १ सय ६६ कम्पनीहरुको ३६ करोड ७७ लाख ६ हजार रुपैयाँ बराबरको १२ लाख ६५ हजार कित्ता सेयर खरिदविक्री भएको छ । सोमबार बजार खुलेदेखि नै परिसूचक नेप्सेमा गिरावट आएको थियो । जसका कारण विक्रीचाप बढेको थियो । फाइनान्स समूह बाहेक सबै समूहका सूचकहरु ऋणात्मक हुँदा नेप्से दबाबमा परेको देखिन्छ ।

माथिल्लो तामाकोशीको सेयर कारोबार सबैभन्दा बढि १० करोड ९१ लाख रुपैयाँको भएपनि सेयर मूल्यमा भने झण्डै १०  प्रतिशतको गिरावट आएको छ । सबैभन्दा बढि गोर्खाज फाइनान्सका सेयरधनीले झण्डै ५ प्रतिशतले कमाएका छन् ।

बैंक तथा वित्तीय बजारमा निक्षेपको ब्याजदर घटेपनि कर्जामा अझै घटन नसक्दा सेयर बजार प्रभावित भएको देखिन्छ । पुष महिनामा सरकारी ढुकुटिमा १ खर्ब भन्दा बढि रुपैयाँ करबापत गएकाले बैंक तथा वित्तीय बजारमा तरलता कसिलो नै छ । त्यसैले पनि ब्याजदरमा तत्काल कमि आउने सम्भावना नदेख्दा लगानएकर्ताले सेयरको विक्री चाप बढाएका छन् । त्यसैले नेप्से परिसूचक  अझैपनि  घटदो क्रममा नै देखिन्छ । 

ग्लोबल आइएमइ बैंकका सिइओले दिए राजीनामा

बैंकिङ खबर । ग्लोबल आइएमइ बैंकका प्रमुख कार्यकारी अधिकृत जनकशर्मा पौडेलले राजीनामा दिएका छन् । उनले तीन वर्ष कार्यकाल बाँकी छँदै राजीनामा गरेका छन्। शर्मा १४ महिनाअघि प्रमुख कार्यकारी अधिकृत नियुक्त भएका थिए । 

सर्माले सन् १९८७ मा नबिलि बैंकबाट इन्ट्री लेभलबाटै बैंकिङ करियर सुरु गरेका थिए । नबिल  बैंक, एनआइसी बैंक, लक्ष्मी बैंकमा पनि काम गरेका अनुभव छ । लक्ष्मी बैंकमा काम गर्दागर्दै अध्ययनका लागि लण्डन गए। लण्डनमा पनि उनले बैंकमा काम गरेको अनुभव उनीसंग छ । 
 
ग्लोबल आइएमई बैंकमा उनी सहायक महाप्रबन्धकका रुपमा भित्रिएका थिए।

राष्ट्रिय वाणिज्य बैंकको तीन शाखा विस्तार

बैंकिङ खबर । राष्ट्रिय वाणिज्य बैंकले तीन नयाँ शाखा विस्तार गरेको छ । बैंकले काठमाडौं जिल्लाको काठमाडौं महानगरपालिका वडा न ६ स्थित बौद्ध,  जाजरकोट जिल्लाको भेरी नगरपालिका वडा ४ गौरीखाली स्थित जाजरकोट र रुकुम पूर्व जिल्लाको सिस्ने गाउँपालिका वडा न ६ स्थित रुकुमकोटमा नयाँ शाखा विस्तार गरेको हो । 

साथै, बैंकले ग्राहकमैत्री सेवा र ब्यवहारलाई प्राथमिकतामा राख्दै आकर्षक भौतिक पूर्वाधार, चुस्त तथा सहज सेवा र आधुनिक इलेक्ट्रोनिक उपकरणहरुको अधिकतम प्रयोग गर्ने उद्देश्यले आगामी माघ १० गते बैंकको ५४औं बार्षिक अवसरमा शुभारम्भ गरिने छ । 

पहिलो चरणमा बैंकका तीनवटा शाखा कार्यालय नक्साल, पुल्चोक र हेटौंडालाई स्मार्ट ब्रान्चको रुपमा राखिने छ भने विस्तारै बैंकका सम्पूर्ण शाखाहरुलाई चरणगत रुपमा स्मार्ट ब्रान्चको रुपमा विकास गर्दै लैजाने बैंकले जनाएको छ । 

स्मार्ट ब्रान्चबाट शाखा अख्तियारी भित्रका ३० लाख रुपैंया सम्मका ब्यवसाय कर्जा, २५ लाख रुपैंया सम्मको घर कर्जा, २० लाख रुपैंया सम्मको गाडी कर्जाहरु सबै कागजात प्राप्त भएको सात कार्यदिन भित्र लगानी गरिने छ । 

हाल बैंकले मुलुकभर २१५ वटा शाखा कार्यलय मार्फत बैंकिङ सेवा दिँदै आइरहेको छ । बैंकले गत पुसमसान्त भित्रमा सातवटै प्रदेशमा प्रदेश कार्यालय/सम्पर्क कार्यालय स्थापना गरिसकेको छ ।


 

गुहेश्वरी फाइनान्सको भैरहवामा नयाँ शाखा स्थापना

बैंकिङ खबर । गुहेश्वरी मर्चेण्ट बैंकिङ एण्ड फाइनान्सले रुपन्देही, भैरहवाको देवकोटा चोकमा नयाँ शाखा विस्तार गरेको छ  । नयाँ शाखाको उद्घाटन नेपाल राष्ट्र बैंक, भैरहवाका निर्देशक अशोक कुमार पौडेलबाट संस्थाका अध्यक्ष श्रीमान श्रेष्ठ, पूर्व अध्यक्ष राजेश लाल श्रेष्ठ, तथा प्रमुख कार्यकारी अधिकृत  दिनेश लाल श्रेष्ठको  समुपस्थितिमा भएको हो ।  

८० करोड चुक्ता पूँजी रहेको संस्थाको जगेडा कोषमा  १५ करोड ९७ लाख रहेको छ । ०७५ पौष मसान्त सम्म निक्षेप संकलन ३ अर्ब ३० करोड तथा कर्जा २ अर्ब ९० करोड प्रवाह गरी  ५ करोड २६ लाख संचालन मुनाफा आर्जन गरेको छ 

एटिएम सेवा, एसएमएस बैंकिङ, इन्टरनेट  बैंकिङ इसीसी,आईपिएस सेवा, लक्क, सुविधा  विभिन्न विप्रेशन सेवा  तथा डीपी सेवा र सी आस्वा लगायत अन्य बैंकिङ सेवा ग्राहकलाई  दिदै आएको छ । 

चाडै नै बुटवल रुपन्देहीमा थप नयाँ शाखा विस्तार हुने संस्थाले जनाएको छ । 

फेडको खाताबाट रकम चोरीएको विषयमा मुद्दा चलाउदै बंगलादेश बैंक

बैंकिङ खबर। बंगलादेश बैंकले अमेरिकी केन्द्रिय बैंक फेडरल रिजर्भको खाताबाट चोरी भएको विषयमा मुद्दा चलाउने भएको छ । अमेरिकाको न्यूयोर्क अदालतमा यहि जनवरीमा नै मुद्दा दायर गर्ने तयरी बंगलादेश बैंकले गरेको हो । 

बंगलादेश बैंकको ३ वर्षअघि फेडको खातामा भएको ८ करोड १० लाख डलर चोरी भएको थियो । सन् २०१६ को फेब्रुअरीमा स्विफ्ट भुक्तानी मार्फत रकम चोरी भएको थियो । बंगलादेशका अर्थमन्त्री एएचएम मुस्तफा कमलले आइतवार चोरी भएको रकम फिर्ता गर्न यसै महीना मुद्दा दायर गर्ने तयारी गरिएको जानकारी दिएका हुन् । 

अमेरिकाको नियमअनुसार अवैध कारोबारको मुद्दा ३ वर्षभित्र दायर गरिसक्नुपर्छ । त्यसैले बंगलादेश बैंकले जनवरीभित्र फेडविरुद्ध मुद्दा दायर गरिसक्नुपर्ने हुन्छ । एजेन्सी

गुडविल फाइनान्सले ५.२६३ प्रतिशत लाभांश दिने

बैंकिङ खबर। गुडविल फाइनान्सले चैत १० गते वार्षिक साधारणसभा बस्ने जनाएको छ । कम्पनी सञ्चालक समितिको बैठकले साधारणसभाको मिति तय गरेको हो । साधारणसभाको लागि फाइनान्सले माघ २७ गतेदेखि १० गतेसम्म सेयरधनी पुस्तिका बन्द गर्ने भएको छ । 

८० करोड रुपैयाँ चुक्ता पूँजी भएको कम्पनीले साधारणसभामा ५.२६३ प्रतिशत नगद लाभांश वितरण गर्ने प्रस्ताव गरेको छ । जुन ४ करोड २१ लाख ५ हजार २ सय ६३ रुपैयाँ हुन्छ । 

सेयर लगानीकर्ता दबाबसमूहद्धारा ३२ बुँदे मागपत्र घोषणा

बैंकिङ खबर। सेयर लगानीकर्ता समूहले सेयर बजार सुधारकालागि भन्दै सोमबारदेखि फेरि दबाबमुलक अभियान शुरु गरेका छन् । 

समूहले पूँजी बजार सुधार र विस्तारका लागि भन्दै ३२ बुँदे मागपत्र सार्वजनिक गरेको छ । दबाब समूहले आफुहरुको माग पुरागर्न सरकारलाई ९ दिने अल्टिमेटम समेत दिएको छ ।

गत मंसिरमा अनशन बसेर चर्चामा आएको यो समूहले दोस्रो चरणको अभियान भन्दै मागपत्र प्रस्तुत गरेको हो । उनीहरुले माघ १५ गतेसम्म माग पूरा नभए पुन आन्दोलन गर्ने चेतावनी दिएका छन् । 

सेयर लगानीकर्ता समूहका मागहरुः

१. अर्थ मन्त्रालयले हालै गठन गरेको अध्ययन समितिले दिएका सुझाव अनुसारको कामहरु तत्काल हुनुपर्ने ।

२. सरकारले पूँजी बजारलाई प्राथमिक क्षेत्र घोषणा गरी यसको बिकास र बिस्तारका लागि विशेष कार्यक्रम तत्काल ल्याउनु पर्ने ।

३. पूर्ण अनलाईन कारोबार प्रणाली कार्यान्वयनमा देखिएको कमजोरी अब नदोहोरिने ग्यारेन्टी गर्नुपर्ने र कुनै कमजोरी दोहोरिएमा त्यसबाट सिर्जना भएको हानी नोक्सानीको जिम्मेवार नेप्से र सफ्टवेयर निर्माता कम्पनी हुनुपर्ने ब्यवस्था गर्ने । पूर्ण अनलाईन कारोबार प्रणालीले राम्रो काम गर्छ भन्ने कुरा प्रमाणित नभएसम्म सफ्टवेयर कम्पनीलाई दिन बाँकी भुक्तानी रोक्ने र उससँग भएका सम्झौतापत्र लगायतका सबै कागजात सार्वजनिक गर्नुपर्ने ।

४. शेयर दलाल मार्फत माघ १० गतेसम्ममा मार्जिन ट्रेडिड.को ब्यवस्था हुनुपर्ने । राष्ट्र बैंक, धितोपत्र बोर्ड र नेप्सेले गरिरहेको आनाकानी र बहानाबाजी अब स्वीकार्य नहुने ।

५. कम्पनीले गर्ने नाफामा ३० प्रतिशत अग्रिम कर सरकारले असुलेपछि लाभांश वितरणको बेला पनि फेरि पाँच प्रतिशत कर लगाएर शेयरधनीमाथि दोहोरो कर ब्यवस्था लादिएकोमा त्यसलाई तत्काल खारेज गर्नुपर्ने ।

६. पूँजी बजारमा प्रत्यक्ष विदेशी लगानी (एफआईआई, एफपीआई), एनआरएन नल्याई कुनै पनि आईपीओ, एफपीओ ल्याउन नपाउने ।

७. हकप्रद शेयरको रिनाउन्समा भएको घोटालाको छानविन हुनुपर्ने र पछिल्लो तीन बर्षमा हकप्रद रिनाउन्स भएका शेयरधनीको नाम सुचिकृत कम्पनीहरुले सार्वजनिक गर्नुपर्ने ।

८. सबै बैंक तथा बित्तीय संस्ंथाले शेयर धितो कर्जालाई प्रडक्ट बनाएर अनिबार्य लगानी गर्नुपर्ने र आधार ब्याजदर भन्दा बढीमा १ प्रतिशत मात्र महंगोमा कर्जा प्रबाह गर्नुपर्ने । विभिन्न शुल्क लिने र नविकरणको क्रममा लगानीकर्तालाई दिईने सास्ती र विकृति हटाउनुपर्ने साथै संस्थापक शेयर धितो कर्जा पनि नविकरण गर्न पाउने सुविधा हुनुपर्ने । शेयर धितो कर्जामा सबै बैंक तथा बित्तीय संस्थाले ६५ प्रतिशत कर्जा दिनुपर्ने राष्ट्र बैंकको निर्देशन अनिवार्य रुपमा लागु हुनुपर्ने र नगर्नेलाई कडा कारबाही हुनुपर्ने ।

९. सुचिकृत कम्पनीहरुले नाफाबाट कर्मचारीलाई बोनस दिने क्रममा सरकारले जारी गरेको बोनस ऐन भन्दा बढी सुविधा दिन नपाउँने ।

१०. नेटवर्थ भन्दा बढीमा आईपीओ, एफपीओ बिक्री गर्न नपाउने ब्यवस्था हुनुपर्ने ।

११. आर्थिक बर्ष समाप्त भएको छ महिनासम्म साधारणसभा नगर्ने वा गर्न नसक्ने सुचिकृत कम्पनीहरुलाई फोर्स मर्जर वा एक्विजिशनमा लैजानु पर्ने साथै संस्थागत सुशासन नभएका र पूँजी पुर्याउँन नसकेका बीमा कम्पनीहरुलाई पनि फोर्स मर्जरमा लैजानुपर्ने ।

१२. बैंक तथा बित्तीय संस्थाहरुको अस्वस्थ प्रतिस्पर्धा र अपारदर्शी ब्यवहारले देशको अर्थतन्त्रमा नै खतरा उत्पन्न गरेकोले मलेशियाबाट सिकेर सोही अनुसारको फोर्स मर्जर नीति ल्याउनु पर्ने ।

१३. पूँजी बजारमा लगानी गर्ने लगानीकर्ताहरुको एउटा आधार हितग्राही खातामार्फत बहु शेयर दलालबाट कारोबार गर्न पाउने सुविधा उपलब्ध गराईनु पर्ने । शेयर दलालको कार्यालयमा अनलाईन कारोबार प्रणालीको सम्झौता गर्दा २५ प्रतिशत रकम अग्रिम जम्मा गर्नुपर्ने ब्यवस्था खारेज गर्ने ।

१४. हरेक जिल्लामा हालका शेयर दलालहरुको अनिवार्य उपस्थिति तत्काल कायम गर्नुपर्ने र शेयर दलाललाई डिलरशीप दिनुपर्ने । ब्रोकर कमिशन तत्काल घटाउनुपर्ने । नयाँ शेयर दलाल थप्ने क्रममा ओपन ईन्ट्रि र ओपन एक्जिटको ब्यवस्था हुनुपर्ने । बाणिज्य बैंकका सहायक कम्पनीलाई सम्बन्धित बैंकका सबै शाखाबाट शेयर कारोबारको सुविधा लगानीकर्तालाई उपलब्ध गराउने शर्तमा दलाल कम्पनीको स्वीकृति दिनुपर्ने । अहिलेका दलाल र दलाल लाईसेन्स पाएका बैंकहरुले ईन्साईडर ट्रेडिड, स्वार्थ बाझिने र लगानीकर्ताको हित विपरित कुनै काम गरेको प्रमाणित भएमा संचालक र उच्च ब्यवस्थापनलाई बर्खास्त गर्ने ब्यवस्था हुनुपर्ने ।

१५. पूँजी बजारमा तत्काल सरकारी कोषहरुका साथै बिमा कम्पनीहरुलाई आफ्नो पोर्टफोलियोको कम्तिमा २५ प्रतिशत रकम दोस्रो बजारमा परिचालन गर्न लगाउँने र बैंक तथा बित्तीय संस्थालाई हालको ब्यवस्था अनुसार ३० प्रतिशत रकम दोस्रो बजारमा परिचालन गर्ने ब्यवस्था अनिबार्य गर्नुपर्ने ।

१६. सुचिकृत कम्पनीहरुले आईपीओ, एफपीओ र हकप्रदमा आबेदन गरी रकम फिर्ता नलिएका र बोनस तथा नगद लाभांश संकलन नगरेका लगानीकर्ताहरुको नाम सार्वजनिक गरी उनीहरुलाई सो दावी गर्न सहजीकरण गर्नुपर्र्ने ।

१७. कम्पनीहरुको हकप्रद शेयर बिक्रीमा रहेको बेथिति अन्त्य गर्न सम्बन्धित कम्पनीका आधारभुत शेयरधनीले शत प्रतिशत रकम जम्मा पारेपछि मात्र साधारणसभामा हकप्रदको प्रस्ताब लैजान पाउने ब्यवस्था गर्ने साथै कुनै पनि सुचिकृत कम्पनीले ५१ प्रतिशत शेयर संस्थापक समूहमा राख्नैपर्ने अनिबार्य गर्ने ।

१८. डिबेन्चर बिक्री गरेको बैंकले निक्षेपको अधिकतम ब्याज दर भन्दा कम्तिमा एक प्रतिशत कममा मात्र डिबेन्चर बिक्री गर्नुपर्ने र त्यस्तो कम्पनीले नगद लाभांश दिन नपाउने ब्यवस्था हुनुपर्ने ।

१९. कम्पनीको बार्षिक साधारणसभा र संचालकको निर्वाचनको क्रममा प्रोक्सी मतको किनबेच, ब्यापक दुरुपयोग र किर्ते काण्डका साथै मनलाग्दी किसिमले प्रोक्सी बदर गर्ने गरिएकाले त्यसलाई अन्त्य गर्न हितग्राही खाताको आधारमा अनलाईन भोटिड.को ब्यवस्था तत्काल हुनुपर्ने । परिवर्तित शेयरबाट सर्बसाधारणतर्फको संचालक चुनिन नपाउने, संस्थापक र साधारण शेयर राखेर दोहोरो भुमिका खेल्न नपाउने ब्यवस्था गर्ने ।

२०. पूँजी बजारसम्बन्धी नीति निर्माण गर्न बन्ने हरेक खाले समितिमा लगानीकर्ताहरुको तर्फबाट आम सहमति हुने गरी अनिवार्य प्रतिनिधित्व हुनुपर्ने ।

२१. कम्पनीहरुले प्रकाशित गर्ने बित्तीय विवरण राष्ट्रिय दैनिक पत्रिकामा प्रकाशित भएकै बिहान नेपाल स्टक एक्सचेन्जको वेभसाईटमा अनिवार्य रुपमा हेर्न पाउने ब्यवस्था हुनुपर्ने र कोडको माध्यमले खोजी गर्न सकिने हुनुपर्ने ।

२२. पूँजी बजारलाई स्वच्छ, पारदर्शी र ब्यवस्थित बनाउँन अर्थ मन्त्रालय, नेपाल राष्ट्र बैंक, नेपाल धितोपत्र बोर्ड, नेपाल स्टक एक्सचेन्ज, बीमा समितिका सबै पदाधिकारी, कर्मचारीहरुका साथै शेयर दलालको सम्पति छानविन गरी त्यसको अभिलेखीकरण गर्नुपर्ने ।

२३. नेपाल धितोपत्र बोर्ड, नेप्से, र बीमा समितिमा अर्थ मन्त्रालय र राष्ट्र बैंकका तर्फबाट प्रतिनिधित्व गर्ने संचालकहरुले संचालक समितिको बैठकमा छलफलमा राखिएको बिषयमा पहिले नै आफ्नो निकायमा राय बनाई अन्तिम निर्णय गर्ने अधिकार लिएर जानुपर्ने । राय माग गर्ने बहानामा कुनै पनि बिषयमा निर्णयमा ढिलाई गर्ने र संचालकहरुले भत्ता मात्रै पचाउने परिपार्टीको अन्त्य हुनुपर्ने ।

२४. सामुहिक लगानी कोषको ईकाई प्राथमिक बजारमा खरिद गरी दीर्घकालीन लगानी गर्ने ब्यक्तिगत लगानीकर्तालाई लगानी रकमको ३० प्रतिशत बराबरको रकम आयकर छुट हुनुपर्ने ब्यवस्था हुनुपर्ने । साथै एक बर्षभन्दा बढी शेयर होल्ड गर्ने लगानीकर्तालाई पूँजीगत लाभकर शत प्रतिशत छुट हुनुपर्ने ।

२५. सामुहिक लगानी कोषको हालको अपारदर्शी लगानी नीतिलाई परिमार्जन गरी आईपीओमा प्राप्त गरेको आरक्षणको शेयरलाई कम्तिमा तीन बर्ष बेच्न नपाउँने गरी प्रतिबन्ध लगाउनुपर्ने वा आरक्षण हटाउनु पर्ने ।

२६. कम्पनीले गर्ने लाभांश घोषणा नियमनकारी निकायबाट अश्वीकार वा संशोधन भएको अबस्थामा बाहेक परिवर्तन गर्न नपाउँने र अश्विकार वा परिमार्जन भएको अबस्थामा निर्णय भएकै दिन प्रमाण र आधारसहित सर्बाधारणलाई सुसुचित गर्नुपर्ने ।

२७. शेयर मूल्यमा प्रत्यक्ष प्रभाव पार्ने सूचना तोकिएको समयमा सार्वजनिक नगरी लगानीकर्तालाई गुमराहमा राख्ने कम्पनीका संचालक र उच्च ब्यवस्थापकलाई पहिलो र दोस्रोपल्ट भए कडा आर्थिक जरिवाना हुनुपर्ने र तेस्रोपल्ट सूचिकरण नै खारेज गर्नुपर्ने ।

२८. धुँवा, धुलो र ध्वनी प्रदुषण स्थानीयले ब्यहोर्न पर्ने, प्राकृतिक स्रोत साधनको दोहन हुने उद्योग तथा आयोजनाहरुले प्रत्यक्ष प्रभावित स्थानीयबासीलाई शेयर बिक्री गर्दा अंकित मूल्य भन्दा बढी लिन नपाईने ब्यवस्था हुनुपर्ने । त्यस्तो शेयरको लकिड. अवधि सम्बन्धित कम्पनीको कर्मचारीको शेयर किनबेच हुने समयसम्म मात्र कायम राख्ने ।

२९. सार्वजनिक पद धारणा गरेका ब्यक्ति वा सरकारी कर्मचारीले शेयर बजार बढ्छ, वा घट्छ भन्ने, लगानीकर्तालाई निराश बनाउने र उत्तेजित 
पार्ने खालका कुनै अभिब्यक्ति दिन नपाईने ब्यवस्था गर्ने ।

३०. कम्पनीले लाभांश पारित गरेको भए नगद लाभांशको हकमा एक साता भित्रमा र बोनस शेयर साधारणसभा भएको १५ दिन भित्र खातामा पठाईसक्नु पर्ने अनिबार्य ब्यवस्था हुनुपर्ने ।

३१. हकप्रद शेयर आबेदनमा मौजुदा शेयरधनीले आफ्नो हकाधिकार भन्दा बढी चाहे जत्ति आबेदन गर्न पाउने ब्यवस्था गर्ने, हकाधिकार भन्दा बढी आबेदन नपरेको शेयर प्रोराटा बेशिशमा बाँडफाँड हुनुपर्ने र त्यसबाट पनि बाँकी रहेको शेयर मात्र लिलाम गर्नुपर्ने । शेयर लिलामको आबेदन बन्द भएको मितिले तीन दिन भित्र बाँडफाँड र सोको अर्को तीन दिन भित्र पैसा फिर्ता गर्नुपर्ने ब्यवस्था हुनुपर्ने ।

३२. कम्पनीले बोनस शेयरमा लाग्ने कर शेयरधनीबाटै असुल गर्ने झंझटिलो ब्यवस्थाको अन्त्य गर्नुपर्ने, बोनस शेयर प्रस्ताब गर्दा त्यसको करका लागि नगद लाभांश अनिबार्य छु्ट्याउँनुपर्ने । धितो र रोक्कामा रहेको शेयर वापत प्राप्त हुने बोनस र हकप्रद शेयर सम्बन्धित शेयरधनीको हितग्राही खातामै पठाएर रोक्का हुने ब्यवस्था तत्काल कार्यान्वयन गर्नुपर्ने ।

बीमा अभिकर्ताका बन्दै हुनुहुन्छ ? यस्ता छन् शैक्षिक योग्यता

बैैंकिङ खबर । बीमा कम्पनीको तर्फबाट तलबी कर्मचारीको रुपमा निश्चित कमिसनका आधारमा बिमकको तर्फबाट बिमित सक्षम गई प्रवद्र्धन कार्य गर्ने व्यक्तिलाई बीमा अभिकर्ता भनिन्छ । बीमा अभिकर्ताको न्युनतम शैक्षिक योग्यता एसएलसी वा सो सरहको उतिर्ण गरेको हुनुपर्दछ । यस्ता व्यक्तिले जो कोही पनि बीमा अभिकर्ता बन्न सक्छन् तर त्यसका लागि उक्त व्यक्तिले बीमा समीति वा सम्बन्धित बिमकले  सञ्चालन गरेको बीमा अभिकर्तासम्बन्धी तालिम लिएको हुनुपर्दछ । त्यसपछि उसले बीमा अभिकर्ताको इजाजतपत्रको लागि बीमा समीतिले तोकेको ढाँचामा निवेदन दिनुपर्दछ । 

बीमा अभिकर्ताहरुको काम
बीमा कम्पनीको तर्फबाट प्रतिनिधीको रुपमा बीमा गराउन चाहने मानिसको सम्पर्कमा पुग्ने, बीमा प्रस्ताव फारम भराउन सहयोग गर्ने, बिमितलाई बीमासम्बन्धी आवश्यक सरसल्लाह दिने तथा दाबी भुक्तानीको समयमा बिमितको परिवारलाई आवश्यक  सहयोग गर्ने आदि कार्य हुन् । बीमा अभिकर्ताले प्रत्येक बीमालेख बिक्री गरेपश्चात् बिमकको तर्फबाट सो बापत प्रचलित बीमा नियमावली बमोजिम तोकिएको दरमा कमिसन प्राप्त गर्दछ ।

शैक्षिक योग्यता 
बीमा अभिकर्ता हुनका लागि शैक्षिक योग्यता कति हुनुपर्छ ? धेरै मानिसहरुको जिज्ञासा हुन सक्छ बीमा अभिकर्ता बन्नका लागि कति शैक्षिक योग्यता चाहिन्छ वा के पढेको हुनु पर्दछ? तर, बीमा अभिकर्ता बन्न वा हुनका लागि यो पढेको वा यति नै शैक्षिक उपाधि हासिल गरेको हुनु पर्छ भन्ने छैन् । तर पनि बीमा अभिकर्ता बन्नका लागि न्यूनतम शैक्षिक योग्यता एसएलसी वा सो सरहको पढाई उत्तिर्ण गरेको हुनुपर्छ । योग्यता पुगेका जो कोहिले पनि अभिकर्ता बन्न सक्नेछन् ।

बीमा अभिकर्ताको भुमिका
बीमा अभिकर्ताको हातमा धेरै जिम्मेवारी रहेको हुन्छ । बीमा क्षेत्रलाई अगाडि बढाउने देखि लिएर बीमा ज्ञान फैलाउने काम पनि अभिकर्ताकै हुन्छ । निश्चित सीमा र परिधिमा साथै कम्पनिको नीतिमा रही अभिकर्ताले काम गर्नु पर्छ । असल बीमा अभिकर्ता कै योगदानले गर्दा बीमा व्यवसाय अगाडि बढ्दछ । त्यसैले असल बीमा अभिकर्ताको खाँचो बीमा क्षेत्रमा खड्किदो छ । अभिकर्ता बीमा कम्पनिको ग्राहक वृद्धि गर्ने एक मूख्य माध्यम हो । बीमा कम्पनिहरुलाई मानिसको पहुँचमा पुर्याउने र बीमा बजारमा साथै सर्वसाधरणमा बीमा कम्पनिको नीतिहरु पुर्याउन बीमा अभिकर्ताको महत्वपूर्ण भूमिका रहेको हुन्छ ।