कामना सेवा विकास बैंकद्धारा जेष्ठ नागरीक सम्मान तथा सामाजिक सुरक्षा भत्ता प्रदान ।


बैंकिङ खबर ।  प्रगतिको आधार, कामना सेवासंग कारोवार भन्ने मुल मन्त्र लिएर संचालित कामना सेवा विकास बैंकको कुश्मा शाखाले कुश्मा नगरपालिका ८ चुवामा जेष्ठ नागरीक सम्मान तथा सामाजिक सुरक्षा भत्ता वितरण कार्यक्रम सम्पन्न गरेको छ ।
लायन्स क्लव अफ र्पवत चौतारीसंगको सहकार्यमा बैंकले नागरिक सम्मान तथा समाजिक सुरक्षा भत्ता वितरण कार्यक्रम सम्पन्न गरेको हो । कु.न.पा ८ चुवा का वडा अध्यक्ष राजकुमार क्षेत्रीको प्रखुख आतिथ्यतामा सम्पन्न कार्यक्रममा त्यसैवडाका तिन जना जेष्ठ नागरीकहरुलाई दोसल्ला ओडाई सम्मान गरिएको थियो । सम्मानित हुनेमा लिला कुमारी भण्डारी, लिलावति जैशी तथा लक्ष्मी विश्वकर्मा रहनुभएको छ । जेष्ठ नागरीक सम्मान पश्चात सबैलाई गुलकोज वितरण गरी शुस्वास्थ्य एवं दिर्घायुको कामना समेत गरीएको थियो । सम्मान कार्यक्रम पश्चात बैंकले जेष्ठ नागरीक भत्ता वडाकार्यलय बाटै वितरण गरेको शाखाका प्रबन्धक टंकनाथ लामिछानेले बताउनुभयो । सामाजिक सुरक्षा भत्ता लिन लामो दुरी पार गरेर जानु पर्ने वाध्यताको अन्त्य गर्दै बैंकले घरदैलो सेवा प्रदान गरेकोमा जेष्ठ नागरिकहरुले बैंकलाई धन्यवाद दिएका थिए । लामिछानेकै अध्यक्षतामा संचालित कार्यक्रमको संचालन किसोर तिमिल्सीना ले गर्नु भएको थियो ।
बैंकले सामाजिक उत्तरदायित्व अन्तर्गत समाजमा प्रत्यक्ष लाभ हुने खालका गतिविधि हरु संचालन गर्दै आईरहेको छ । शाखाविस्तारमा आक्रमक रुपमा लागेको बैंकको मुलुकभर ९९ शाखा तथा ४५ एटीयम काउन्टरहरु रहेका छन् । ग्राहकलाई गुणस्तरीय सेवा प्रदान गर्न बैंकले नयाँ नयाँ योजनाहरु सार्वजनिक गर्दै आएको छ ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.