अस्ट्रेलियामा बैंकिङ ठगि बढ्यो, नीतिगत रुपमै सुधार गर्ने सरकारको तयारी


बैंकिङ खबर। अस्ट्रेलियामा बैंकिङ क्षेत्रमा हुन सक्ने बदमासीलाई कम गर्न नीतिगत रुपमा सुधार गर्न लागिएको छ । बैंकिङ गतिविधिमा हने बदमासीमाथि अध्ययन गरेको रोयल कमिशनले बैंकिङ क्षेत्रमा नीतिगत सुधार गर्नुपर्ने सुझाव पेश गरेको छ । 

अस्ट्रेलियामा बैंकिङ क्षेत्रमा ग्राहकरु ठगिनुपरेको गुनासो आएसँगै रोयल कमिशन गठन गरी अध्ययन थालिएको थियो । कमिशनले दिएको सुझावलाई अस्ट्रेलियन सरकारले सोमबार सार्वजनिक गरेको हो । 

बैंकहरुले कुनै पनि सेवा नदिएको अवस्थामा पनि सेवा शुल्क लिएर ग्राहकहरूलाई ठगि गरेको रोयल कमिशनले गरेको अनुसन्धानले देखाएको छ । यस्तो कार्यमा अस्ट्रेलियाका प्रमुख चार बैंक नेशनल अस्ट्रेलिया बैंक, कमनवेल्थ बैंक अफ अस्ट्रेलिया, एएनजेड र वेस्टप्याक मुछिएका छन् । 

१० हजारभन्दा बढी सार्वजनिक विवरण संकलन गरी अध्ययन अनुसन्धान गरिएको रोयल कमिशनले जनाएको छ । त्यहाँको सरकारका अनुसार अब रिजर्भ बैंकअफ अस्ट्रेलियाले आवस्यक कारबाही प्रकृया अगाडी बढाउने छ । कमिशनका केही सुझाव तत्कालै कार्यान्वयनमा ल्याइने पनि सरकारले जनाएको छ । एजेन्सी
 

Leave a Reply

Your email address will not be published. Required fields are marked *

नयाँ अपडेट