पोखरा फाइनान्स लिमिटेडको नवनिर्वाचित अध्यक्ष भुवनसिं गुरुङले बिहीबार नेपाल राष्ट्र बैंक पोखरा शाखाका का.मु. निर्देशक अमर अधिकारी समक्ष पद तथा गोपनियताको शपथ ग्रहण गरेका छन् ।
वित्तीय संस्थाको हालै सम्पन्न एक्काइसौं वार्षिक साधारण सभाले संस्थापक समुहबाट सञ्चालक समितिमा भुवनसिं गुरुङ, डा. दीर्घमान गुरुङ, शोभा गुरुङ र रेसम लाल पौडेललाई निर्विरोध निर्वाचित गरेको प्रमुख कार्यकारी अधिकृत राजकुमार गुरुङले बताए ।
संस्थाको हाल तनहृ्ं, लमजुङ, रुपन्देही, काठमाण्डौं, स्याङजा एवं कास्की समेतमा गरी १३ वटा शाखा कार्यालय सञ्चालनमा आईसकेको र निकट भविष्यमा नै चितवनको नारायणगढ शाखा समेत सञ्चालनमा आउने तथा आ.व. २०७५।७६ मा थप अन्य शाखाहरु समेत खोलिने बताइएको छ ।
संस्थाले सिआस्वा तथा मोवाइल बैंकि∙ सेवाको शुरुवात गरिसकेको छ । यो अवधिमा फाइनान्सको निक्षेप रु ४ अर्व १५ करोड एवं कर्जा लगानी तर्फ रु. ३ अर्व ९६ करोड कायम गर्न सफल भएको प्रमुख कार्यकारी अधिकृत राजकुमार गुरुङले जानकारी दिए ।