नेपाल राष्ट्र बैंकका गभर्नर डा चिरञ्जीवी नेपालले ग्रामीण क्षेत्रमा वित्तीय पहँुच पु¥याउनका लागि वित्तीय संस्थाले लक्ष्यमा रहेर काम गर्नुपर्ने बताउनुभएको छ । अहिलेको समयमा पनि दुई चौथाइ नेपाली वित्तीय क्षेत्रको पहँुच बाहिर रहनु बिडम्बना भएको भन्दै उहाँले त्यसलाई सुधारेर ग्रामीण क्षेत्रमुखी कार्यक्रम गर्न निर्देशन दिनुभयो । बुटवलमा केन्द्रिय कार्यालय रहेको चौतारी लघुवित्त वित्तीय संस्थाको आज बिहान उद्घाटन गर्दै उहाँले बैंकको मूल लक्ष्य सबै जनतालाई बैकिङ पहुँचमा पु¥याउने हुनुपर्ने बताउनुभयो ।
उहाँले ग्रामीण क्षेत्रको उत्पादनलाई आर्थिक विकासमा रुपान्तरण गर्नका लागि वित्तीय संस्थाको महत्वपूर्ण भूमिका हुने बताउनुभयो ।
नयाँ÷नयाँ क्षेत्र पहिचान गरेर बैंकमा थुप्रिएको पैसा लगानी गर्नुस, अहिले अवसर छ, उहाँले भन्नुभयो । राष्ट्र बैंकले वित्तीय संस्था सुधारका लागि नयाँ नयाँ नीति बनाउँदै गइरहेको उहाँले जानकारी दिनुभयो । देशको लागि पनि केही गर्नुपर्छ भन्ने सोचले पैसाको सदुपयोग गर्दै रोजगारीको विकासमा लाग्नुपर्ने समय आएको उहाँले उल्लेख गर्नु भयो ।
कार्यक्रममा राष्ट्र बैंकका कार्यकारी निर्देशक विनोद आत्रेयले १८ प्रतिशत जनता वित्तीय संस्थाको पहँुच बाहिर रहेको भन्दै त्यसलाई समेट्ने गरी नयाँ वित्तीय संस्थाको स्वीकृति दिने गरिएको बताउनुभयो । ४१ वटा लघु वित्तले सेवा दिइरहेको र ६० भन्दा बढी दर्ता प्रक्रियामा रहेको जानकारी दिँदै उहाँले चुनौतिलाई समाधान गर्न सके राम्रो प्रगति गर्नसक्ने उल्लेख गर्नु भयो ।
कार्यक्रममा राष्ट्र बैंकका पूर्व कार्यकारी निर्देशक भाष्करमणि ज्ञवाली, भैरहवा शाखाका व्यवस्थापक जगत नेपाल, डेभलपमेन्ट बैंक एसोसिएसनका उपाध्यक्ष प्रकाश पौडेल, नेपाल लघुवित्त बैंकर्स सङ्घका अध्यक्ष धर्मराज पाण्डे, चौतारी वित्तीय संस्थाका अध्यक्ष जगत पोखरेल, कार्यकारी अधिकृत मनिकर कार्की, सञ्चालक लालहरी पाण्डेलगायतले बोल्नुभएको थियो । दश जिल्ला स्वीकृति लिएको चौतारीले केही समयअघि कारोबार सुरु गरेको थियो । पाल्पा, नवलपरासी, रोल्पालगायतका जिल्लामा शाखा सञ्चालनमा ल्याएको छ । रासस
