Wednesday , July 18 2018

गरिमा विकास बैंकले पुर्यायो अढाई अर्ब चुक्तापुँजी

January 12, 2018

गरिमा विकास बैंक लिमिटेडको पौष २८ गते शुक्रबार सम्पन्न साधारणसभाले सेयरधनीहरुलाई १५ प्रतिशत बोनश सेयर वितरण गर्ने प्रस्ताव पारित गरेको छ । होटल पोखरा ग्राण्ड, पोखरामा सम्पन्न ११ औं बार्षिक साधारण सभाले सर्वसाधारण सेयरधनी समुहतर्फबाट सञ्चालक समितिमा रिक्त रहेको २ जना सञ्चालकमा डा.भूपेन्द्र बहादुर खड्का क्षेत्री र संजीव ढकाललाई निर्विरोध निर्वाचित गरेको छ । साधारणसभाले मर्जर तथा एक्वीजिसनसम्बन्धी सम्पूर्ण कार्य गर्नका लागि सञ्चालक समितिलाई अख्तियारी समेत प्रदान गरेको छ । 

दुई अर्ब २० करोड ४२ लाख ४३ हजार चुक्ता पुँजी रहेको विकास बैंकको १५ प्रतिशत बोनश सेयर वितरणपश्चात चुक्ता पुँजी दुई अर्ब ५३ करोड ४८ लाख ८० हजार पुगेको छ । साधारण सभाको लागि २०७४ पौष १४ गतेदेखि सेयरधनी दर्ता पुस्तिका बन्द रहेकोमा २०७४ पौष १३ गतेसम्म कायम विकास बैंकका सेयरधनीले मात्र साधारणसभाबाट पारित बोनश सेयर प्राप्त गर्नेछन् ।

गरिमा विकास बैंक लिमिटेड राष्ट्रियस्तरको विकास बैंक हो । काठमाण्डौंको लाजिम्पाटमा केन्द्रीय कार्यालय रहेको यस विकास बैंकको हाल देशभर ४९ शाखा र १२ वटा एटीएम संचालनमा छन । विकास बैंकले छिट्टै प्रदेश नम्बर १ का मोरङ्ग, झापा र सुनसरी गरि १० वटा शाखा कार्यालय स्थापना गर्दैछ । विकास बैंकले हाल करिब १७ अर्ब २० करोेड निक्षेप संकलन गरि १५ अर्ब ७० करोड कर्जा लगानी गरेको छ ।


 

Leave a Reply

Your email address will not be published. Required fields are marked *

× Success! This alert box could indicate a successful or positive action.