२०७१ पौष १६ गते राष्ट्रिय स्तरको लघुवित्त संस्थाको रुपमा स्थापना भएको स्वदेशी लघुवित्त वित्तीय संस्थाले मिति २०७४ कार्तिक २४ गते आफ्नो तेश्रो वार्षिक साधारण सभा ईटहरी(रजिष्टार्ड ठेगाना)मा सम्पन्न गरेको छ । संचालक समितिका अध्यक्ष लालमणी जोशीको सभापतित्वमा संचालन भएको उक्त सभामा संस्थापक तथा सर्वसाधारण सेयरधनिको समेत बाक्लो उपस्थिती थियो ।
संचालक समितिका तर्फबाट वार्षिक प्रतिवेदन प्रस्तुत गर्दै सभाका अध्यक्षले ४२ वटा जिल्लामा ६५ शाखा कार्यालयहरु मार्फत कारोबार गरीरहेको र स्थापनाको छोटो समयमा लगानीकर्तालाई १५ प्रतिशत बोनस सेयर दिन यस साधारण सभामा प्रस्ताव पेश गरेको जानकारी दिए । साथै, उनले एक बराबर एक (१ः१)को अनुपातमा हकप्रद सेयर निष्काषन गर्न प्रश्ताव गरिएको पनि जानकारी दिए । सभाले उक्त दुवै प्रस्ताव सर्व सम्मतले पारित गरेको छ ।
उक्त सभामा स्वागत मन्तव्य तथा सेयरधनीले राखेको जिज्ञाशाको जवाफ दिँदै संस्थाका कार्यकारी प्रमुखले हाल लघुवित्तमा देखिएका चुनौतिहरुको नजिकबाट सुष्म ढंगले अध्ययन गरि रहेको र यसलाई समयमै कुशल ढंगले समाधान गरिनेमा ढुक्क रहन लगानीकर्तालाई आग्रह गरे । सभाको संचालन संस्थाका सहायक महाप्रबन्धक तथा कम्पनी सचिव राजेन्द्र प्रसाद शर्माले गरेका थिए ।
