कैलाश विकास बैंक लिमिटेडले बाँकेको कोहलपुरमा आफ्नो ३९औँ शाखा स्थापना गरी आइतबार(असोज २९ गते)देखि कारोबार सुरु गरेको छ । उक्त शाखाको शुभारम्भ बैंकका प्रमुख कार्यकारी अधिकृत अमृत चरण श्रेष्ठले एक समारोहका बीच गरेका गरे ।
यस नयाँ शाखा सहित बैंकको शाखा संख्या ३९ पुगेका छन् भने एटिएम संख्या १९ पुगेका छन् । बैंकले निकट भविष्यमा दाङ्ग जिल्लाको लमही, सुनसरी जिल्लाको इटहरी, कैलाली जिल्लाको धनगढी र रुपन्देही जिल्लाको भैरहवामा गरी थप चार शाखाहरु संचालन गर्ने तयारी गरिरहेको जनाएको छ ।
राष्ट्रिय स्तरको यस विकास बैंकको चुक्ता पूँजी दुई अर्ब २९ करोड रुपैयाँ रहेको छ । उक्त पुँजीको न्यूनतम १० प्रतिशतका दरले मात्र बोनश सेयर जारी गरे पनि नेपाल राष्ट्र बैंकले तोके अनुसारको चुक्ता पुँजी सजिलै पुग्ने देखिन्छ । बैंकले हालसम्म १८ अर्ब ३५ करोड रुपैयाँ निक्षेप संकलन गरी १५ अर्ब ९० करोड रुपैयाँ कर्जा प्रवाह गरेको जनाएको छ ।
