निजी क्षेत्रको निर्जीवन बीमा कम्पनी शिखर इन्स्योरेन्स कम्पनी लिमिटेडले गत आर्थिक वर्षमा ३७ करोड ५८ लाख रुपैयाँ खुद मुनाफा आर्जन गरेको छ । कम्पनीले अघिल्लो आर्थिक वर्षको तुलनामा २२ दशमलव ५८ प्रतिशत बढी नाफा कमाएको हो । अघिल्लो आर्थिक वर्षमा शिखरले ३० करोड ६६ लाख रुपैयाँ मुनाफा कमाएको थियो ।
८१ करोड ७६ लाख रुपैयाँ चुक्ता पूँजी भएको शिखर इन्स्योरेन्सले जगेडा कोषमा ३० करोड ११ लाख रुपैयाँ र बीमाकोषमा ६४ करोड ६२ लाख रुपैयाँ राखेको छ । शिखर इन्स्योरेन्सको आम्दानी २० प्रतिशतले वृद्धि गरी ६१ करोड ८३ लाख रुपैयाँ पुर्याएको छ । बीमा शुल्क (खुद) आम्दानी एक अर्ब ५७ करोड रुपैयाँ पुगेको छ । त्यस्तै बीमा शुल्क आर्जन कुल रकम २ अर्ब ७६ करोड ६२ लाख रुपैयाँ रहेको छ । खर्चमा १६ दशमलव ३४ प्रतिशत बढेर २४ करोड २४ लाख रुपैयाँँ पुगेको छ । दाबी भुक्तानी (खुद) ५९ करोड ७५ लाख रुपैयाँ पुगेको छ भने कुल दाबी भुक्तानी १ अर्ब २३ करोड ८४ लाख रुपैयाँ बराबरको रहेको छ ।
शिखर इन्स्योरेन्सको प्रतिसेयर आम्दानी ४५ दशमलव ९७ रुपैयाँ, मूल्य आम्दानीको अनुपात ४२ दशमलव २३ गुणा र प्रतिसेयर नेटवर्थ २ सय २० दशमलव ०६ रुपैयाँ रहेको छ ।
