बुटवल—८, रुपन्देहीमा केन्द्रिय कार्यालय रहेको नेपाल कम्यूनिटी डेभलपमेण्ट बैंक लिमिटेडले चालु आ.व.को अन्तिम खातावन्दिको अपरिष्कृत वित्तिय विवरण अनुसार पाँच करोड ६५ लाख ९५ हजार संचालन मुनाफा गरेको छ । गत आ.व.को सोहि समिक्षा अवधिको तुलनामा संचालन मुनाफा १५२ प्रतिशतले बढी भएको हो ।
रुपन्देही, नवलपरासी र चितवनमा १० वटा शाखा तथा विस्तारित शाखा कार्यालयहरु मार्फत २२,४१२ निक्षेपकर्ता तथा १,१३० क्रृणीहरुलार्ई ए.टि.एम, सन्ध्याकालिन, लकर, निशुल्क ए.बि.बि.एस., इलेक्ट्रोनिक चेक क्लियरिङ र ३६५ दिने बैकिङ्घ सेवा लगायत अत्याधुनिक बैंकिङ्ग सेवा प्रदान गर्दै आएको उक्त बैंकको अधिकृत पुँजी ६० करोड तथा चुक्ता पुँजी २२ करोड २ लाख ९४ हजार छ भने निक्षेप १ अरब ७६ करोड ६५ लाख, कर्जा लगानी १ अरब ५६ करोड ८० लाख र निष्कृय कर्जा ०.५१ प्रतिशत रहेको छ ।
नेपाल राष्ट्र बैंकले तोकेको चुक्ता पूंजि पुर्याउन चुक्ता पुँजीको १ वरावर १.२ अर्थात १२० प्रतिशतको अनुपातमा हकप्रद शेयर निष्कासनको प्रकृयामा रहेको र त्यसमा अपुग पुंजि चालु आ. व. को मुनाफा तथा गत बर्ष गरिएको हकप्रद शेयर निष्काशनको क्रममा आर्जित शेयर प्रिमियम रु. १ करोड ५३ लाखबाट वोनस शेयर वितरण गरिने बैंकको लक्ष्य रहेको बैंकका प्रमुख कार्यकारी अधिकृत राजन प्रसाद खनालले बताए ।
