लक्ष्मी बैंकले शतप्रतिशत हकप्रद निष्काशनका लागि सेयरधनी पुस्तिका बन्द गर्ने मिति तोकेको छ । बैंकले यहि चैत १९ गतेदेखि सेयरधनी पुस्तिका बन्द गर्ने निर्णय गरेको हो । जसअनुसार, चैत्र १८ गतेसम्म कायम सेयरधनीले मात्रै लक्ष्मीले निष्काशन गर्न लागेको हकप्रद सेयर खरिद गर्न पाउनेछन् ।
हकप्रद निष्काशनका लागि बैंकले गत चैत्र १ गते नेपाल धितोपत्र बोर्डबाट अनुमति पाएको थियो । बैंकले हकप्रद निष्काशन गर्ने मिति भने तोकेको छैन । बैंकको सेयर निष्काशन तथा विक्री प्रबन्धक सिद्धार्थ क्यापिटल लिमिटेड रहेको छ ।
अहिले तीन अर्ब १५ करोड ९० लाख ३० हजार चार सय रुपैयाँ चुक्ता पूँजी रहेको बैंकले सोही पूँजी बराबरको हकप्रद निष्काशन गरे पछि चुक्ता पूँजी छ अर्ब ३२ करोडको हाराहारीमा पुग्ने छ ।