नेपाल एसबीआई बैंक लिमिटेडले ४० प्रतिशत अर्थात् १० बराबर चारको अनुपातमा हकप्रद सेयर निष्काशन गर्ने भएको छ । हकप्रद निष्काशनको अनुमति माग गर्दै बैंकले नेपाल धितोपत्र बोर्डमा निवेदन दिएको छ । बैंकले सोमबार (चैत्र ७ गते) बोर्डमा निवेदन दिएको हो ।
नेपाल एसबीआईले एक अर्ब ९९ करोड १९ लाख ४२ हजार तीन सय ६० रुपैयाँ बराबरको हकप्रद सेयर निष्काशन गर्नेछ । हकप्रद निष्काशनका लागि बैंकले सेयर निष्काशन तथा विक्री प्रबन्धकमा एनएमबि क्यापिटल लिमिटेडलाई नियुक्त गरेको छ ।
हाल नेपाल एसबीआई बैंकको चुक्तापुँजी तीन अर्ब ८८ करोड रुपैयाँ रहेको छ । केही साताअघि मात्र जारी गरेको ६७ लाख कित्ता एफपिओबाट बैंकको चुक्तापुँजीमा ६७ लाख रुपैयाँ थप भएको छ । यसबाहेक, २८ प्रतिशत बोनस सेयर जारी गरेर बैंकले झन्डै पाँच अर्ब रुपैयाँ चुक्तापुँजी पुर्याउनेछ । हकप्रद सेयर पनि जारी गरिसकेपछि बैंकको चुक्तापुँजी झन्डै सात अर्ब रुपैयाँ पुग्नेछ ।
