नेपाल ग्रामीण विकास बैंक लिमिटेडले चालू आर्थिक वर्षको दोस्रो त्रैमासमा १८ करोड तीन लाख रुपैयाँ खुद मुनाफा आर्जन गरेको छ । बैंकले गत आर्थिक वर्षको सोही अवधिको तुलनामा ५१ दशमलव ६३ प्रतिशत बढी नाफा कमाएको हो । गत आर्थिक वर्षको दोस्रो त्रैमासमा नेपाल ग्रामीण विकास बैंकले ११ करोड ८९ लाख रुपैयाँ मुनाफा आर्जन गरेको थियो ।
५५ करोड ७५ लाख रुपैयाँ चुक्ता पूँजी भएको बैंकले निक्षेपमा २४ दशमलव ४३ प्रतिशतले वृद्धि गरी दुई अर्ब दुई करोड ६९ लाख रुपैयाँ संकलन गरेको छ । कर्जातर्फ बैंकले २३ दशमलव ३८ प्रतिशतले वृद्धि गरी सात अर्ब ११ करोड ६३ लाख रुपैयाँ लगानी गरेको छ । बैंकको खुद व्याज आम्दानी ३१ दशमलव ५३ प्रतिशतले बढेर ५० करोड सात लाख रुपैयाँ पुगेको छ भने संचालन मुनाफा ५२ दशमलव ८२ प्रतिशतले बढेर २४ करोड ३२ लाख रुपैयाँ रहेको छ ।
निष्कृय कर्जा चार दशमलव २९ प्रतिशत र जोखिम युक्त सम्पत्ति छ दशमलव ९९ प्रतिशत रहेको बैंकले प्रोभिजनमा चार करोड २३ लाख रुपैयाँ राखेको छ भने जगेडाकोषमा १९ करोड २३ लाख रुपैयाँ राखेको छ । यो अवधिमा नेपाल ग्रामीण विकास बैंकले तीन करोड ९७ लाख रुपैयाँ खराब कर्जा उठाएको छ । बैंकको प्रतिसेयर आम्दानी वार्षिक ६४ दशमलव ७० रुपैयाँ, मुल्य आम्दानीको अनुपात आठ दशमलव २१ गुणा, प्रतिसेयर नेटवर्थ एक सय ३४ दशमलव ५१ रुपैयाँ र तरलता अनुपात नौ दशमलव ४९ प्रतिशत रहेको छ ।
