शाइन रेसुङ्गा डेभलपमेन्ट बैंक लिमिटेडले चालु आर्थिक वर्षको दोस्रो त्रैमासमा १६ करोड ५९ लाख ८२ हजार रुपैयाँ खुद मुनाफा आर्जन गरेको छ । बैंकले गत आर्थिक वर्षको सोही अवधिको तुलनामा ३३ दशमलव ७९ प्रतिशत बढी नाफा कमाएको हो । गत आर्थिक वर्षको दोस्रो त्रैमासमा शाइन रेसुंगाले १२ करोड ४० लाख रुपैयाँ मुनाफा आर्जन गरेको थियो ।
एक अर्ब १० करोड २८ लाख रुपैयाँ चुक्ता पुजी भएको बैंकले निक्षेपमा ३६ दशमलव ७७ प्रतिशतले वृद्धि गरी नौ अर्ब २० करोड ५० लाख रुपैयाँ संकलन गरेको छ । जसबाट बैंकले कर्जामा आठ अर्ब १७ करोड ५६ लाख रुपैयाँ लगानी गरेको छ । बैकको खुद ब्याज आम्दानी ५३ दशमलव ८२ प्रतिशतले बढेर ३१ करोड २६ लाख रुपैयाँ पुगेको छ भने संचालन मुनाफा ४४ दशमलव ८३ प्रतिशतले बढेर २५ करोड ४३ लाख रुपैयाँ पुगेको छ ।
निष्कृय कर्जा शुन्य दशमलव ३५ प्रतिशत र जोखिम युत्त सम्पत्ति १५ दशमलव ९८ प्रतिशत रहेको बैंकले प्रोभिजनमा एक करोड २४ लाख रुपैयाँ राखेको छ भने जगेडा कोषमा ३६ करोड १० लाख रुपैयाँ राखेको छ । यो अवधिमा बैंकले ३२ लाख रुपैयाँ खराबकर्जा उठाएको छ ।
बैंकको प्रतिसेयर आम्दानी ३० दशमलव १० रुपैयाँ, प्रति सेयर नेटवर्थ एक सय ३२ दशमलव ७३ रुपैयाँ, तरलता अनुपात २६ दशमलव ४२ प्रतिशत र मुल्य आम्दानीको अनुपात ११ दशमलव ०३ गुणा रहेको छ ।