Sunday , February 26 2017

‘सुबिसु क्यान इन्फोटेक’ माघ १३ गतेदेखि, प्रवेश शूल्कमा विद्यार्थीलाई ५० प्रतिशत छुट

January 12, 2017

सुबिसु क्यान इन्फोटेक–२०१७ आगामी माघ १३ देखि १८ गतेसम्म राजधानीको भृकुटीमण्डपमा हुने भएको छ । सूचना प्रविधिसम्बन्धी दुईसय २२ स्टल मेलामा रहने क्यान महासङ्घले जनाएको छ । 

अवलोकनकर्ताले पनि एकै थलोमा सूचना तथा सञ्चार प्रविधिका नयाँ नयाँ प्रविधि, उपकरणको अवलोकन तथा खरिद समेत गर्न पाउने आयोजकले बताएका छन् । मेलामा कम्प्युटर हार्डवेयर सेल्स तथा मेन्टिनेन्स, पावर सोलुसन्स, मोबाइल एक्सेसरिज, डिलर र डिस्ट्रिब्युटर्स, इन्टरनेट सेवा प्रदायक, टेलिकम्युनिकेसन्स, आइसिटी कलेज तथा ट्रेनिङ इन्स्टिच्युट, सफ्टवेयर सोलुसन्स, पेमेन्ट सोलुसन्स र अन्य स्टल रहनेछन् । कम्प्युटर, इन्टरनेट, कम्प्युटर हार्डवेयर, सफ्टवेयर, टेलिफोन तथा मोबाइल फोन कम्पनीले पनि मेलामा आकर्षक छुट लिएर आउने आयोजकले बताएका छन् । 

मेला अवलोकनका लागि विद्यार्थीहरुलाई प्रवेश शूल्कमा ५० प्रतिशत छुट दिने निर्णय आयोजकले गरेको छ । जसअनुसार, सर्वसाधारणलाई प्रवेश शुल्क रु १०० र विद्यार्थीलाई रु ५० तोकिएको छ । अनलाइन टिकट खरिदको अग्रिम रुपमा व्यवस्था मिलाइनेछ तथा अनलाइन टिकट खरिदमा २० प्रतिशत छुटसमेत प्रदान गरिने बताइएको छ ।

Facebook Comments

 

Leave a Reply

Your email address will not be published. Required fields are marked *