हिमालयन बैंकले आगामी कात्तिक २६ गतेदेखि १४ प्रतिशत अर्थात सात बराबर एकको अनुपातमा हकप्रद सेयर निष्काशन गर्ने भएको छ । बैंकले एक सय रुपैया अंकित दरका ६४ लाख २७ हजार ३५० कित्ता हकप्रद सेयर निष्काशन गर्न लागेको हो ।
हकप्रद प्रयोजनका लागि बैंकले यहि कात्तिक १० गते सेयरधनी दर्ता पुस्तिका बन्द गर्दैछ । जसअनुसार, कात्तिक ९ गतेसम्म कायम शेयरधनीहरुले मात्र बैंकको हकप्रदमा आवेदन दिन पाउनेछन् ।
हाल हिमालयन बैंकको चुक्तापुँजी चार अर्ब ४९ करोड ९१ लाख ४५ हजार रुपैयाँ रहेको छ । १४ प्रतिशत हकप्रद सेयर वितरण पश्चात बैंकको चुक्ता पूँजी पाँच अर्ब १४ करोड रुपैयाँ पुग्नेछ ।
बैंकको हकप्रदमा यहि कात्तिक २३ गतेदेखि मंसिर ३० गतेसम्म आवेदन गर्न पाइनेछ । बैंकको शेयर निष्काशन तथा बिक्री प्रबन्धक लक्ष्मी क्यापिटल रहेको छ । लक्ष्मी क्यापिटल तथा हिमालयन बैंकको कमलादी शाखा बाहेक सबै शाखा कार्यालय मार्फत हकप्रद सेयरमा आवेदन गर्न सकिने बैंकले जनाएको छ ।