५० प्रतिशत हकप्रद सेयर जारी गर्ने प्रक्रियामा रहेको गुहेश्वरी मर्चेन्ट बैंकिङ एन्ड फाइनान्स कम्पनीले आइतबारदेखि भाद्र १९ गते शेयरधनी दर्ता पुस्तिका बन्द रहने जनाएको छ । जसअनुसार, भाद्र १८ गतेसम्म कायम सेयरधनीले मात्रै कम्पनीको हकप्रद भर्न पाउनेछन् ।
कम्पनीले १४ लाख ६८ हजार ६ सय ९७ कित्ता हकप्रद जारी गर्देछ । कम्पनीको वैशाख २ गतेसम्पन्न विशेष साधारणसभाले हकप्रदको प्रस्ताव पारित गरेको थियो । हकप्रद निष्काशन पश्चात कम्पनीको चुक्तापूँजी ४५ करोड रुपैयाँको हाराहारीमा पुग्नेछ ।
कम्पनीको शेयर निष्कासन तथा बिक्री प्रबन्धकमा एनआइबिएल क्यापिटल लिमिटेड रहेको छ । फाइनान्सले राष्ट्र बैकले तोके अनुसार ०७४ असारसम्ममा ८० करोड चुक्ताँपूजी पुर्याउनुपर्ने हुन्छ ।