Sunday , April 30 2017

अन्तर्राष्ट्रिय बैंकिङ

धनाढ्यहरुको रोजाईमा स्विस बैंक नै किन ? हेर्नुहोस्, चार कारण

स्विजरल्याण्डका बैंकले दिने ब्याज जम्मा १ दशमलव ७ प्रतिशतको अनुपातमा रहेको छ । यो समयको बिचमा एकताका हाल सम्मकै सबैभन्दा बढि ब्याज अर्थात् ३ दशमलव ५० प्रतिशत मात्र दिएको थियो । तर पनि संसारका धनाढ्यहरुले किन आफ्नो रकम राख्न स्विस बैंक रोज्छन् ? संसारभरका मुलुकमा पुँजी लगानी गर्ने शक्तिशाली मानिएको विश्व बैंकलाई समेत चुनौति दिने स्विस बैंकका केहि ‘खास’ विशेषताहरु छन् ।  

तुलनात्मक रुपमा सुरक्षित 
कुनै पनि देशको बैकिङ क्षेत्र भनेको त्यस देशका जनताहरूलाई चाहिने वित्तीय सेवा प्रदान गर्ने निकाय हो । सुरक्षित, भरपर्दो तथा विश्वासिलो तवरबाट पैसा जम्मा गर्न र आवश्यक पर्दा गर्जो टार्न सक्ने क्षमता बैंकसँग हुन्छ, भन्ने आम मानिसको बुझाई पनि छ । विश्वका हरेक देशसँग आ–आफ्नो प्रक्रियाबाट सञ्चालन हुने बैंकहरु छन् । यिनीहरुले आफ्नो देशको कानुनमा रहेर आफ्ना काम तथा कार्वा्हि सञ्चालन गरेका हुन्छन् । हरेक बैंकले आफ्नो बैंकिङ च्यानलबाट गरेको कारोबार सुरक्षित हुन्छ, भनेर विज्ञापनिक सामाग्रीहरुबाट प्रचारप्रसार गर्ने गरेका हुन्छन् । यद्यपी बचतकर्तालाई कम ब्याजदर लगाउने र ऋण प्रवाह गर्दा मँहगो ब्याजदर लगाउने परिपाटिबाट बैंकहरु मोटाएका हुन्छन् भन्ने टिकाटिप्पणी पनि बेलाबखतमा आउने गरेको छ । यता बचतकर्ताले पनि आफ्नो रकम सुरक्षित होओस् भनेर ढुक्कसँग बैंकलाई जिम्मा दिएका हुन्छन् । हामीले बेलाबखतमा सुनेका छौँ – विभिन्न समयमा बैंकहरु लुटिएका, चोरी भएका, अत्यावश्यक पर्दा एटिएम नै नचलेका, बन्द भएका, त कहिलेकाहिँ एकाउन्ट नै ‘ह्याक’ भएका घटनाहरु । हो, यि यस्ता दोहोरीरहने घटनाबाट र संभावित समस्याबाट मुक्ति पाउन संसारभरका धनाढ्यहरुको रोजाईमा पर्ने गरेका छन्, स्विस बैंक अर्थात् स्विजरल्याण्डका बैंकहरु । 

कालोधन सुरक्षित र गोप्य राखिने
स्विस बैंकमा राखिएको अधिकांश रकम कर छली, भ्रष्टाचार, अवैध कारोबार, तथा अन्य आयस्रोतबाट आएका अतिरिक्त पैसा नै हो । यस्ता अवैधानिक बाटोबाट आएको अकुत सम्पत्ति लुकाउने ठाउँ स्विस बैंक नै हो । विश्वमा आर्थिक रुपले समृद्ध मानिएको मुलुक अमेरिकाका धनाढ्यहरुले समेत अकुत सम्पत्तिको कर छल्नका लागि स्वीस बैँक नै प्रयोग गर्ने गरेको बताइन्छ । भारतीय व्यापारी तथा केही पुर्व राजनीतिज्ञहरुको मात्रै ५ सय ४३ दशमलव ५४ विलियन डलर कालो धन स्विस बैंकमा रहेको अनुमान गरिएको छ । एकताका भारत सरकारले कालो धनको छानविन गर्ने घोषणा गरेपछि चार बर्ष भित्र १४ हजार करोड रुपैंया रकम स्विस बैंकबाट झिकिएको तथ्य फेला परेको थियो । निकै ठुलो अर्थतन्त्र भएको मुलुक भारतमा रहेको पैसाको करिब दुई तिहाइ पैसा स्विजरल्याण्डका दुइवटा बैंकसँग मात्र रहेको  बताईन्छ । यसबाहेक अन्य युरोपियन मुलुकका अवैध पैसा आर्जन गर्ने धनाढ्यहरु पनि स्विस बैँकमा पैसा राख्न पाउँदा गोपनियता र सुरक्षाका हिसाबले लोभिने गरेको तथ्यांकहरु सार्वजनिक भएको एजेन्सीहरु बताउँछन् । 

संसारमै नभएको नियम 
हामीलाई थाहा छ, संसारका हरेक देशको पुलिस प्रशासन, राजस्व विभाग तथा अदालतले आवश्यक परेमा जुनसुकै खातावाला व्यक्तिका बारेमा पनि आवश्यक जानकारी लिन सक्छ । तर बैंकिङ सम्बन्धि स्विजरल्याण्डको कानुन अन्य देशभन्दा फरक किसीमको छ । स्विजरल्याण्डमा संघीय बैंक नियन्त्रण आयोग बाहेक कुनै पनि निकायले खातावालाको बारेमा जानकारी माग्न सक्दैनन् । ‘स्विस बैंकिङ एक्ट १९३४’ मा बैंकले खातावालाको अनुमतिबिना खाता नम्बर पनि सार्वजनिक गर्दैनन् । सन्  १९३४ मा कानुन लागु भएपछि देशको संघीय बैंक नियन्त्रण आयोगले मात्र सामान्य निगरानी गर्न सक्ने भनिएको छ । त्यस कारण पनि अकुत सम्पत्तिवालाहरुको एउटै गन्तव्य बन्ने गरेको छ स्विस बैँक ।

स्रोतको छानविन नहुने
संसारको बैंकहरु भन्दा फरक किसीमको अधिकार राखेको स्विस बैंक यस्तो बैंक हो, जहाँ रकम राखेपछि हराउने, एकाउन्ट ह्याक हुने, लुटिने, छानबिन हुने लगायतका कुनैपनि समस्या हुँदैन । त्यसकारण पनि यदि कसैले भ्रष्टाचार गरेर वा अन्य अवैधानिक बाटोबाट कमाएको रकम स्विस बैंकमा जम्मा गर्यो भने छानविनको लागि स्विस बैंकले सबै ढोका बन्द गरेको हुन्छ । आफूले कमाएको अकुत सम्पत्ति सुरक्षित तरीकाले बैंकमा राख्नको लागि पनि धनाढ्यहरु मरिहत्ते गर्छन् । त्यसकारण संसारभरीकै अधिकांश भ्रष्टाचार गरेको पैसा, कालो धन, अवैधानिक बाटोबाट आर्जन गरेको अतिरिक्त पैसा स्विस बैंकमा राखिन्छ । हाल स्विस बैंकसँग १ हजार ५ सय ३० अर्ब स्विस फ्रयाङ्क अर्थात् १ लाख ४४ हजार अर्ब रुपैयाँ निक्षेप रहेको छ ।

यसरी समृद्ध बन्यो स्वीट्जरल्याण्ड, नेपालले सिक्नैपर्ने एउटा देश

रुपा कोइराला-

आजको दिनमा समृद्ध राष्ट्रमध्येको एक स्वीट्जरल्याण्डको इतिहासलाई पल्टाएर हेर्दा यस देश निकै दयनिय स्थितीबाट उठेको प्रतित हुन्छ । सन् १२९१ देखि सन् १९४५ सम्म स्वीट्जरल्याण्ड एक गरीब मुलुक थियो । फ्रान्स, जर्मनी, इटली, अष्ट्रिया लगायतका छिमेकी राष्ट्रहरुभन्दा निकै कमजोर थियो स्वीट्जरल्याण्ड । स्वीट्जरल्याण्डको यो हालत सानो मुलुक भएका कारणभन्दा ज्यादा प्राकृतिक स्रोतहरुको कमीका कारणले थियो । स्रोतहरुकै कमीका कारण यहाँका जनताले निकै दुःख कष्ट झेल्नुपरयो । सुख भन्ने कुरा त्यहाँका जनताले देख्न पाएनन् । भएका सुविधाहरु सबै सामान्य खालका हुन्थे । आलिसान महल, विलासी जिवन जस्ता कुराहरु त उनीहरुका लागि सपना जस्तै हुन्थ्यो ।   

विश्वयुद्धले देखाएको बाटो
संसारका विभिन्न देशलाई बर्बाद पारेर शून्यको स्थिीमा पुर्याएको पहिलो र दोस्रो विश्वयुद्धले स्वीट्जरल्याण्डमा भने आर्थिक हिसाबले कायापलट भयो । विश्वयुद्धले नै यस देशको समृद्धिको बाटो पहिल्याइदियो । यो देश प्राकृतिक स्रोत विना नै उद्योग व्यवसाय लगायतका अन्य आर्थिक क्षेत्रबाट माथि उठ्न सक्छ भन्ने कुराको महशूस विश्वयुद्धले गरायो । विश्वयुद्धका स्वीट्जरल्याण्डका छिमेकी मुलकहरु तहसनहस भएका थिए । यद्यपि, स्वीट्जरल्याण्ड सुरक्षित थियो । यसैकारण ती मुलुकका आर्थिक लगानीहरु यस देशमा भित्रिन थाले । आफ्नो सम्पत्तिको सुरक्षा हुने देखेर स्वीटेजरल्याण्डमा लगानी गर्नेको ताँती लाग्न थाल्यो । पहिलो विश्वयुद्धको अन्त्यसँगै, अन्तर्रा्ष्ट्रिय ओलम्पिक कमिटीका प्रमुख पेरी डी कोबर्टिनले कमिटीको मूख्य कार्यालय पेरिसबाट स्वीट्जरल्याण्डको लजेनमा सारे । यससँगै स्वीट्जरल्याण्डको भाग्य फेरियो । जब दोस्रो विश्वयुद्ध सकियो, युरोप पुरै बर्बाद भइसकेको थियो । तर, स्वीटेजरल्याण्ड युद्धको प्रभावबाट टाढै थियो । यसले पुनः फाइदा भयो स्वीट्जरल्याण्डलाई । युरोपका लगानी पनि धमाधम स्वीट्जरल्याण्डमा भित्रिन थाले । 

प्रजातन्त्रले स्वदेशी लगानी भित्र्यायो
राजनितिक प्रणालीबाट पनि स्वीट्ल्याण्डलाई फाइदा भयो । प्रजातन्त्र स्थापना स्वीट्रल्याण्डको विकासमा कोशेढुंगा सावित भयो । जनताको चाहनाविपरीत कुनै महँगा युद्धहरु भएनन्, कुनै राजनितीक साभ्रान्तहरुले मुलुकको एने कानुनमा हक जमाएनन् । यसले मुलुकलाई स्वतन्त्र रुपमा अघि बढ्न मद्धत मिल्यो । यससँगै, विभिन्न सार्वजनिक तथा नीति संस्थाहरुलाई मुलुकभित्रै लगानी गर्ने बाटो प्रशस्त भयो । छोटकरीमा भन्नुपर्दा, विश्वयुद्धले विदेशी लगानी भित्र्याएको मुलुकमा प्रजातन्त्रले स्वदेशी लगानी भित्र्यायो ।

दुःखमा आत्तिएनन्, न त सुखमा नै मात्तिए
भनिन्छ दुःखमा हुर्केको मानिसले जस्तोसुकै कठिनाइ पनि पार गर्न सक्छ । त्यस्तै भयो स्वीट्जरल्याण्डको हकमा पनि । सुरुदेखि नै दुखैदुखमा बाँचिरहेका जनताको परिश्रम र मिहिनेतले मुलुकलाई अझ माथि उठाउन योगदान पुर्यायो । कडा परिश्रम गर्नु, समय खेर नफाल्नु, सम्पत्तिको जतन गर्नु लगायतका आचरण जनतालाई उनीहरुको परिवेशले नै सिकाइसकेको थियो । त्यसै आचरण उनीहरुको उन्नतिमा काम लाग्यो । दुःखमा नआत्तिने र सुखमा नमात्तिने स्वीस जनताको बानीले आज स्वीट्जरल्याण्ड विश्वमै नमुना राष्ट्र मानिन्छ । प्राकृतिक स्रोत कत्ति पनि नहुँदा समेत हरेस नखाई आफ्नो मिहिनेतमा अडिग रहेको मुलकले कृतिम संरचनाकै कारण आफूलाई धनी मुलुकका रुपमा विश्वसामू उभ्याएरै छाड्यो । आज हरेकको मुखमा स्वीट्जरल्याण्डको प्रशंसा हुन्छ, हरेकको मनमा त्यहाँ जाने इच्छा हुन्छ भने धेरै राष्ट्र स्वीट्जरल्याण्लाई मार्गदर्शक बनाएर अघि बढीरहेका छन् ।

अमेरिकी नीतिका कारण संसारभर सुनको मूल्य बढ्दै

सुनको मूल्य फरी बढेको छ । सोमबार ०.७ प्रतिशतबाट बढेर पछिल्लो २ महिनाकै महँगो भएको हो । सुन बजारमा प्रत्यक्ष असर पार्ने राष्ट्र अमेरिकाका राष्ट्रपति डोनाल्ड ट्रम्पको नीतिगत अन्यौलले सुन झनै महँगीएको विज्ञहरुको भनाई छ । सुन बजारमा अमेरिकाले प्रत्यक्ष असर पार्ने हुँदा राष्ट्रपति ट्रम्मको नीतिगत अस्पष्टताले सुन अझै महँगिने विश्लेषण गरिएको छ । साताको दोस्रो दिन खुद्रा सुनको मूल्यमा ०.७ प्रतिशत बृद्धि भई प्रतिऔंस १,२१७.८१ डलर कायम भएको हो । अमेरिकी सुनको मूल्यमा पनि १.१ प्रतिशतले बृद्धिभई प्रतिऔंसत १,२१८.२० डलर कायम भएको छ । सुन पछि अन्य बहुमूल्य धातुहरुमा चाँदीको मूल्य ०.८ प्रतिशतले वृद्धि भएर प्रतिऔंस १७.२० डलर कायम भएको छ । यो मूल्य वृद्धि पछिल्लो २ महिना यताकै उच्च मूल्य वृद्धि हो । नेपालमा सुनको मूल्य निर्धारण गर्न सबैभन्दा ठूलो भूमिका अन्तराष्ट्रिय बजारमा भइरहेको कारोबारमा भर पर्छ । अन्तर्राष्ट्रिय बजारमा छिनछिनमा सुनको मूल्य परिवर्तन भइरहन्छ । विभिन्न अनलाइन माध्यमबाट सुन व्यवसायीहरुले त्यसको जानकारी लिइरहेका हुन्छन् ।
 
कसरी हुन्छ नेपाली बजारमा मूल्य थपघट ?
विभिन्न समयमा नेपाली बजारमा सुन, चाँदी जस्ता बहुमूल्य धातुहरुको मूल्य परिवर्तन भइरहेको हुन्छ । नेपाली बजारमा प्राय जसो दैनिक रुपमा सुनको भाउँ घटबढ भइरहने गर्दछ  । नेपाली बजारमा मात्र नभई विश्व सुन बजारमा सुनको मूल्य घटबढ हुनुमा मूख्य भूमिका अमेरिकाको नै मानिन्छ । पछिल्लो ट्रेण्ड हेर्ने हो भने नेपाली बजारमा सुनको मूल्य बढ्दो क्रममा छ । अन्तर्राष्ट्रिय बजार मूल्यलाई नेपाली रुपैयाँमा रुपान्तरण गरेपछि सुन आयातमा लाग्ने भन्सार दर तथा बैंक र सुन व्यवसायीको नाफा जोडेर मूल्य तोकिन्छ । हरेक दिन विहान ११ बजेसम्म नेपाली बजारमा सुनको मूल्य निर्धारण भइसक्छ । प्रत्येक दिन विहान १० बजेदेखि ११ बजेसम्म मूल्य निर्धारण सहितिले नेपालको सुनको मूल्य निर्धारण गरिसकेको हुन्छ ।
 
कसले गर्छ सुनको मूल्य निर्धाण ?
नेपाली सुन बजारमा सुनको मूल्य निर्धारण गर्ने ‘मूल्य निर्धारण समिति’ छ । सुनचाँदी व्यवसायी महासंघका अध्यक्षको संयोजकत्वमा रहेको ५ सदस्यिय समितिले दैनिक रुपमा सुनको मूल्य निर्धारण गर्दछ । अन्तर्राष्ट्रिय बजार मूल्य, अमेरिकी डलरको विनिमय दर, नेपालको भन्सार महसुल दर र बैंक र सुन व्यवसायीको नाफा गरी जम्मा यी ४ पक्षको आधारमा नेपालमा सुनको मूल्य निर्धारण हुने गरेको छ ।
 
सुनको मूल्य घटेको बढेको कसरी थाहाँ पाइन्छ ?
हरेक दिन बिहान ११ बजेसम्म मूल्य निर्धारण समितिले सुनको मूल्य निर्धारण गरिसके पश्चात महासंघमा आवद्ध सबै व्यवसायीलाई तत्कालै मूल्यबारे जानकारी गराइन्छ । समितिले तोकिएको मूल्य विहान ११ बजेसम्म उपत्यकामा स्लिप वा एसएमएस मार्फत प्रत्येक व्यवसायीलाई जानकारी गराउने गरेको छ ।
 
सुनको मूल्य परिर्वन हुने कारणहरु
बिश्व बजारमा सुनको मूल्य परिवर्तन भइरहने कारण अमेरिकी डलरको सटही दर हो । अमेरिकी डलरको विनिमय दर दिनहुँ परिवर्तन भइरहन्छ । नेपाली रुपैयाँको अमेरिकी डलरसँगको सटही दर र अन्तर्राष्ट्रिय बजारमा रहेको सुन मूल्यको हिसाब गरिन्छ । अमेरिकी डलरसँग नेपाली रुपैयाँको विनिमय दर हिसाब गरेर निकालेको मूल्यमा सुनको भन्सार दर जोडिन्छ । एक प्रतिशत नाफा राखेर नेपाली बजारमा सुनको मूल्य निर्धारण हुने गरेको छ । नाफाको रुपमा राखिएको एक प्रतिशतमध्ये बैंकलाई आधा र सुन व्यवसायीलाई आधा प्रतिशत भाग लगाइन्छ । कहिले काहिँ माग र आपूर्ति कस्तो छ यसको आधारमा पनि भाउ तलमाथि पर्न सक्छ । 

ट्रम्पको शपथग्रहण कार्यक्रम वहिष्कार गर्दै २६ सांसद

आगामी शुक्रबार हुन गइरहेको ४५ औं अमेरिकी राष्ट्रपतिको औपचारिक शपथग्रहण कार्यक्रम अमेरिकी काँग्रेसका २६ सांसदले अस्वीकार गर्ने भएका छन् । अमेरिकामा दुई सदनात्मक ब्यबस्थापिका (संसद)लाई राष्ट्रिय काँग्रेस भनिन्छ । तल्लो सदन (प्रतिनिधि सभा) र माथिल्लो सदन (सिनेट) समेत गरी यसको दुबै सदनमा सदस्यसंख्या जम्मा ५ सय ३५ रहेको छ ।

हालै अमेरिकी नागरिक आन्दोलनका अगुवा, डेमोक्राटिक पार्टीका एक सम्मानित सदस्य जोन लुइसले नवनिर्वा्चित ट्रम्प वैधानिक राष्ट्रपति नभएको धारणा राखेपछि ट्रम्पले उनको चर्को आलोचना गर्दै सिंगो डेमोक्राटिक पार्टीलाई समेत गाली गरेका थिए ।

यसको कडा प्रतिबाद स्वरुप २६ जना डेमोक्र्याट काँग्रेस सदस्यहरुले सो औपचारिक शपथ ग्रहण समारोह बहिष्कार गर्ने बताएका हुन् । रासस/सिन्ह्वा
 

संसारकै टप १० धनाढ्यहरुहरुको सफलताको कहानी (हेर्नुस् विस्तृतमा)

आज हामी यस्तो युगमा छौँ, जहाँ मानिसहरुको सफलताको मापन उनीहरुसँग भएको पैसा अर्थात सम्पत्तिको आधारमा गर्ने गरिन्छ । तर, वास्तवमा सफलता भनेको वर्षौँको मिहिनेत र तपस्याको प्रतिफल हो । यस्तै मिहिनेत र तपस्याका कारण आज संसारकै धनी भने चिनिने १० व्यक्तिहरुको बारेमा बैंकिङ खबर डट कमका लागि सहकर्मी रुपा कोइरालाले तयार पारेको सामग्री यहाँ प्रस्तुत गरिन्छ : 

१.बिल गेट्स
bill-gatesमाइक्रोसफ्टका फाउन्डर ६१ वर्षिय बिल गेट्ससँग ७५ विलियन अमेरिकी डलर सम्पत्ति छ । बिल एण्ड मेलिन्डा फाउन्डेसनका समेत फाउन्डर रहेका उनी उद्योग, प्रोग्रामिङ, सामाजिक अभियान लगायत थुप्रै क्षेत्रसँग सम्बन्धित छन् । सन् २००० मा माइक्रोसफ्टका सीईओ समेत भएर काम गरेका गेट्ले २००८ मा अध्यक्षको रुपमा काम गरे । हाल भने उनले आफ्नो सम्पूर्ण समय बिल एन्ड मेलिन्डा फाउन्डेसनलाई दिने गरेका छन् । साथमा उनी माइक्रोसफ्टका वर्तमान सीईओ सत्य नडेल्लाका प्राविधिक सल्लाहकारको रुपमा काम गर्दै आएको छन् । २८ अक्टोबर १९५५ मा जन्मिएका उनी हार्डभर्ड युनिभर्सिटीबाट निकालिएका थिए । सन् १९९४ मा मेलिन्डा गेट्ससँग विवाह गरेका गेट्सका तीन सन्तान छन् । 

२.अमेन्सीया ओर्टेगा 
Amancio Ortega during CSI Montecarlo 2012 on June 28, 2012.विश्वव्यापी ब्राण्ड जाराका लागि प्रख्यात फेसन ग्रुप इन्डिटेक्सका अध्यक्ष तथा फाउन्डर अमेन्सीया ओर्टेगा ६७ विलियन अमेरिकी डलर बराबरको सम्पत्तिका मालिक हुन् । उनी ८० वर्षिय स्पेनीस नागरिक तथा विजनेसम्यान हुन् । २८ मार्च १९३६ मा जन्मिएका ओर्टेगाले सन् १९६६ मा रोसालिया मेरासँग विवाह गरेका थिए । सन् १९८६ मा उनीहरुको सम्बन्ध टुट्यो । २००१ मा उनले फ्लो पेरेजसँग विवाह गरे । ओर्टेगाका तीन सन्तान छन् । उनका पिता रेलवेमा काम गर्थे । सानै उमेरमा उनले सर्ट बनाउने ठाउँमा काम गरे र त्यहाँबाट काम सिके । १४ वर्षको उमेरमा नै उनले पढाई छोडेका थिए ।

३. वारेन एडवार्ड बफेट
warren-buffetसंसारकै सबैभन्दा सफल लगानीकर्ता वारेन बफेट पनि एक विजनेसम्यान र सामाजिक अभियान्ता हुन् । उनी ६०.८ विलियन अमेरिकी बराबरको सम्पत्तिका मालिक हुन् । ८६ वर्षिय उनी अमेरीकाको मल्टिनेशनल कम्पनी बर्कशायर हाथवेका सीईओ तथा सबैभन्दा ठूलो सेयरधनी हुन् । उनी ओमाहाका तान्त्रिक, ओमाहाका सन्त लगायत उपनामले समेत चिनिन्छन् । उनीसँग भएको सम्पत्तिको भन्दा पनि उनको लगानीसम्बन्धि कौशलता बढी चर्चा हुने गरेको छ । उनका पिता सेयर ब्रोकर थिए । ३० अगस्ट १९३० मा जन्मिएका बफेटले युनिभर्सिटी अफ नेब्रास्का लिङकनबाट आट्र्स र साइन्समा ब्याचलर गरेका छन् भने कोलम्बिया युनिभर्सिटीबाट साइन्समा मास्टर्स गरेका छन् । सन् १९५२ मा बफेटले सुजेन बफेटसँग विवाह गरेका थिए । सन् २००४ मा उनको मृत्यु भएपछि उनले सन् २००६ मा एस्ट्रिड मेन्स्कसँग विवाह गरे । वारेन बफेटका तीन सन्तान छन् ।  

४. कार्लोस स्लिम हेलु
CARLOS SLIMकार्लोस स्लिम हेलु मेक्सीकन विजनेसम्यान, लगानीकर्ता र सामाजिक अभियान्ता हुन् । फोब्र्सको तथ्यांकअनुसार उनीसँग ५० विलियन अमेरिकी डलर बराबरको सम्पत्ति छ । ७६ वर्षका स्लिमले मेक्सिकोका थुप्रै कम्पनीमा लगानी गरेका छन् । उनी मेक्सिकोका वारेन बफेट नामले समेत चिनिन्छन् । सन् २०१० देखि २०१३ सम्म उनी संसारकै सबैभन्दा धनी व्यक्ति थिए । २८ जनवरी १९४० मा जन्मिएका उनले नेशनल अटोनोमस युनिभर्सिटी अफ मेक्सिकोबाट आट्र्समा ब्याचलर गरेका छन् । सन् १९६७ मा सौम्या डोमिट जिमायलसँग विवाह गरेका स्लिमका छ सन्तान छन् । सन् १९९९ मा उनी पत्नीको मृत्यु भएको थियो । 

५. जेफ बेजोस
jeff-bezosसंसारकै सबैभन्दा ठूलो अनलाइन सपिङ कम्पनी अमेजनका संस्थापक अध्यक्ष र सबैभन्दा ठूलो सेयरधनी हुन् । उनी अमेकीकाका प्राविधिक उद्योगी तथा लगानीकर्ता हुन् । उनी ४५.२ विलियन अमेरिकी डलर बराबरको सम्पत्तिका मालिक हुन् । उनको विजनेस रुची एरोस्पेस र पत्रपत्रिकातिर पनि छ । उनी एरोस्पेस निर्माण तथा विकास कम्पनी ब्लु वरिजिनका संस्थापक तथा मालिक हुन् । सन् २००० मा स्थापना गरिएको यो कम्पनीले २०१५ को सुरुवातमा अन्तरिक्षमा परीक्षण उडान गरेको थियो । उनले सन् २०१३ मा द वासिङटन पोष्ट पनि खरिद गरेका थिए । १२ जनवरी १९६४ मा जन्मिएका बेजोसले प्रिन्सटन युनिभर्सिटीबाट साइन्स र आर्टर्समा ब्याचलर गरेका छन् । सन् १९९३ मा म्याक्केन्जी बेजोसँग विवाह गरेका उनका चार सन्तान छन् । 

६. मार्क जुकरवर्ग 
mark-zuckerbergमार्क जुकरवर्ग संसारकै सबैभन्दा लोकप्रिय सामाजिक सञ्जाल फेसबुकका सहसंस्थापक तथा सीईओ हुन् । फेब्र्सका अनुसार उनी ४४.६ विलियन अमेरिकरी डलर बराबरको सम्पत्तिका मालिक हुन् । ३२ वषर्य जुकरवर्ग अमेरिकी प्रोग्रामर, इन्टरनेट व्यवसायी तथा सामाजिक अभियान्ता हुन् । हारभर्डमा कलेजको एउटा प्रयोगात्मक कोठाबाट उनले फेसबुक पत्ता लगाएका थिए, जसले छोटो समयमा नै उनलाई विश्वप्रख्यात बनायो । १४ मे १९८४ मा जन्मिएका जुकरवर्ग हार्डभर्ड युनिभर्सिटीबाट निकालिएका थिए । सन् २०१२ मा प्रिस्सिला चानसँग विवाह गरेका जुकरवर्गका एउटी छोरी छिन् । 

७. ल्यारी एलिसन
166546592MK042_The_Israeli_अमेरीकी विजनेसम्यान ल्यारी एलिसन ओर्याकल कर्पोरेसनका सहसंस्थापक हुन् । सेप्टेम्बर २०१४सम्म उनी यस कर्पोरेसनका सीईओ थिए । हाल ओर्याकलमा कार्यकारी अध्यक्ष तथा प्राविधिक अधिकृतको जिम्मेवारी सम्हालिरहेका एलिसन ४३.६ विलियन अमेरिकरी डलर बराबरको सम्पत्तिका मालिक हुन् । ७२ वर्षिय एलिसनले आफ्नो सम्पत्तिको एक प्रतिशत हिस्सा दान गर्न द गिभिङ प्लेज नामक संस्थासँग सम्झौता गरेका छन् । १७ अगस्ट १९४४ मा जन्मिएका एलिसन युनिभर्सिटी अफ सिकागो र युनिभर्सिटी अफ इलियन्सबाट निकालिएका थिए । उनले चार वटा विवाह गरेकोमा चार वटै विवाह असफल भएपछि हाल उनी एक्लै छन् । पछिल्लो पटक उनले सन् २००३ मा मेलेनी क्राफ्टसँग विवाह गरेका थिए । उनीसँग सन् २०१० मा डिभोर्स भएको थियो । एलिसन दुई सन्तानका पिता हुन् । 

८. मिचेल रुबिन्स ब्लुमबर्ग
michael_bloomberg

माइक नामले परिचित अमेरिकी विजनेसम्यान, राजनेता तथा सामाजिक अभियान्ता मिचेल रुबिन्स ब्लुमबर्ग ४० विलियन अमेरिकी डलर बराबरको सम्पत्तिका मालिक हुन् । उनी फाइनान्सियल डाटा तथा मिडिया कम्पनी ब्लुमबर्ग एलपीका संस्थापक तथा मालिक हुन् । माइकले सन् २००० मा डाइना टेलरसँग विवाह गरे । उनका दुई सन्तान पनि छन् । १४ फेब्रुअरी १९४२ मा जन्मेका उनले जोन हप्किन्स युनिभर्सिटीबाट आट्र्स र साइन्समा ब्याचलर गरेका छन् भने हार्भर्ड विजनेस स्कुलबाट विजनेस एडमिनिस्ट्रेसनमा मास्टर्स गरेका छन् ।  

९. चाल्र्स कोच
charles-coch३९.६ विलियन अमेरिकी डलर बराबरको सम्पत्ति भएका चाल्र्स कोच अमेरिकी मूलका विजनेसम्यान, राजनीतिक दाता तथा सामाजिक अभियान्ता हुन् । उनी कोच इन्डस्ट्रीजका सहसंस्थापक, सञ्चालक समितिका अध्यक्ष तथा कार्यकारी अधिकृत समेत हुन् । चाल्र्स कोचका पिता फ्रेडले सन् १९४० मा ग्यास र तेल प्रशोधन गर्ने कम्पनी खोलेका थिए । सन् १९६७ मा पिताको देहान्तपछि उक्त कम्पनीको सीईओ तथा अध्यक्षको रुपमा उनले जिम्मेवारी सम्हाले र कम्पनीलाई कोच इन्डस्ट्रीजको रुपमा विस्तार गरे । १९७२ मा उनले लिज कोचसँग विवाह गरे । उनका दुई सन्तान पनि छन् । १ नोभेम्भर १९३५ मा जन्मेका उनले म्यासाचुसेट्स इन्स्टिच्युट अफ टेक्नोलोजीबाट आट्र्स र साइन्समा ब्याचलर गरेका छन् भने साइन्समा मास्टर्स समेत गरेका छन् । 

१०. डेभिड ह्यामिल्टन कोच
david-kochडेभिड ह्यामिल्टन कोच चाल्र्स कोचका भाइ हुन् । उनी कोच इन्डस्ट्रीजमा कार्यकारी सहअध्यक्ष छन् । उनीसँग पनि ३९.६ विलियन अमेरिकी डलर बराबरको सम्पत्ति छ । ३ मे, १९४० मा जन्मेका उनी अमेरिकी विजनेसम्यान, सामाजिक अभियान्ता, राजनीतिज्ञका साधै रसायनिक इन्जिनियर समेत हुन् । सन् १९९६ मा जुलिया मारग्यारेट फ्लेसरसँग वैवाहिक बन्धनमा बाँधिएका उनका तीन सन्तान छन् । उनले पनि म्यासाचुसेट्स इन्स्टिच्युट अफ टेक्नोलोजीबाट आट्र्स र साइन्समा ब्याचलर र सोही इन्स्टिच्युटबाट साइन्समा मास्टर्स गरेका छन् । 

विश्वका आधा जनसंख्यासँग भएको जति सम्पत्ति आठ धनाढ्यसँग !

लन्डन । डाभोसमा विश्व आर्थिक मञ्चको उद्घाटन अगाडि सोमबार अक्सफामले विश्वका आधा जनसंख्याको स्वामित्वमा रहेको सम्पत्ति बराबर आठ व्यक्तिको सम्पत्ति भएको र यस असमानताले विश्व समाजलाई विभाजनतर्फ लैजाने चुनौती देखिएको जानकारी दिएको छ । विश्वका सबैभन्दा गरिब ३.६ अर्ब जनताको बराबर सम्पत्ति अमेरिकामा छ, स्पेनका एक तथा मेक्सिकोको एक व्यापारीको कूल सम्पत्ति बराबर रहेको उक्त संस्थाले उल्लेख गरेको छ । 

फोर्ब्सले प्रकाशन गरेको अर्बपतिको सूचीबाट यस संस्थाले माइक्रोसफ्टका संस्थापक बिल गेट्स, फेसबुकका सहसंस्थापक मार्क जुकरबर्ग र अमेजनका संस्थापक जेफ बिजसलाई समेटेको छ । अक्सफामले विश्वभर धनी र गरिबबीच ठूलो भिन्नता तथा राजनीतिक मूलप्रवाहप्रति बढ्दो असन्तुष्टिबीच सम्बन्ध देखाएको छ । 

अक्सफामले प्रकाशन गरेको नयाँ प्रतिवेदन ‘एन इकोनोमी फर द नाइन्टिनाइन परसेन्ट’’ (उनान्सय प्रतिशतका लागि अर्थतन्त्र) मा युरोपेली युनियनबाट बेलायतको पलायन तथा अमेरिकामा डोनाल्ड ट्रम्पको अभियान जातिवादको डरलाग्दो वृद्धि तथा राजनीतिक मूलप्रवाहप्रति व्यापक भ्रम अन्त्य संकेत भएको उल्लेख गरेको छ । प्रतिवेदनमा धनी मुलुकका बढी जनताले वर्तमान अवस्थामा चित्त बुझाउन छोडेको उल्लेख गरिएको छ । 

भारत तथा चीन जस्ता मुलुकमा सम्पत्ति वितरणको नयाँ तथ्यांकले यस संस्थाको हिसाबकिताबमा पुनरावलोकन गराएको प्रतिवेदनमा उल्लिखित छ । एक वर्ष अगाडि यस संस्थाले विश्वका आधा सम्पत्ति ६२ प्रतिशत व्यक्तिको स्वामित्वमा रहेको उल्लेख गरेको थियो । 

डाभोसमा मङ्गलबारदेखि शुक्रबारसम्म विश्वका राजनीतिक तथा व्यापारका सम्भ्रान्त व्यक्तित्वहरूको बैठक आयोजना हुनेछ र असमानताका विषयमा त्यस बैठकले प्रमुख रूपमा छलफल गर्नेछ । विश्व आर्थिक मञ्चको यस वार्षिक बैठकमा करिब तीन हजार व्यक्तिले भाग लिनेछन् । यस शिखर बैठकको शीर्षक ‘‘उत्तरदायी तथा जिम्मेवार नेतृत्व’’ रहेको छ । विश्वव्यापीकरणविरुद्ध आक्रमण तथा दुई मतदानका आश्चर्यजनक नतिजा तथा पश्चिममा लोकप्रियवादका कारण यो शीर्षक छनौट भएको आयोजकहरूले जानकारी दिएका छन् । 

अक्सफामले आफ्नो प्रतिवेदनमा धनी व्यक्ति तथा संस्थालाई लक्ष्य गरी करको दर बढाउन तथा संस्थागत कर घटाउन मुलुकबीच प्रतिस्पर्धा हुन नदिन विश्वव्यापी सम्झौता गर्न आह्वान गरेको छ । संस्था तथा व्यापार र राजनीतिसँग नजिकमा रहनेको प्रभाव पार्ने प्रयासको आलोचना गर्दै यस संस्थाले आधिकारिक सार्वजनिक प्रभाव तथा अभिरुचिबीच द्वन्द्वविरुद्ध कडा कानुन हुनुपर्नेमा जोड दिएको छ । रासस/एएफपी

सफल व्यवसायी बन्न चाहानुहुन्छ ? पछ्याउनुस् ज्याक माका यी तीन टिप्स

ज्याक मा चिनियाँ ईकमर्श कम्पनि अलिबाबाका संस्थापक हुन् । उनी विश्वका ३३ औँ धनी व्यक्ति समेत हुन् । उनको कुल सम्पत्ति २२ अर्ब ७० करोड डलर छ । एक कुशल तथा सफल व्यवसायीका रुपमा स्थापित ज्याक मा कुनै पनि व्यवसाय सुरु गर्न सहज नरहेको बताउँछन् । उनको नजरमा कुनै पनि व्यवसाय सुरु गरि त्यसलाई सफल र दिर्घकालीन बनाउनको लागि यस्ता कुरामा ध्यान पुर्याउनुपर्छ :

आफुले सुरु गरेको कामप्रतिको लगाव
आफ्नो कम्पनि, व्यवसाय र उत्पादनप्रति सुरुमा आफूलाई लगाव हुनु जरुरी हुन्छ । आफ्नो उत्पादनलाई आफूले राम्रो नदेखेसम्म अरुले मन पराउँछ भनेर सोच्नु उपयुक्त हुँदैन । आफ्नो उत्पादन तथा सेवा राम्रो छ र उपभोक्तामाझ यसले लोकप्रियता कमाएरै छोड्छ भन्ने किसिमको सकारात्मक सोचाई लिएर अघि बढ्नु अत्यावश्यक हुन्छ । अरुको भलो चाहने मानिसहरु मात्रै सफल हुन सक्छन् भन्ने मेरो बुझाई छ । एक पटकको असफलतामा हार मान्नु भनेको सबैभन्दा ठूलो मूर्खता हो । आफ्नो जीत या हारभन्दा पनि उपभोक्ताले तपाईँको उत्पादन कति मन पराए, यसका ध्यान दिनुस् । 

उपभोक्ताको चाहनाअनुरुप उत्पादन तथा वितरण
सुरुमा कुनै पनि व्यवसाय कसरी गरिनुपर्छ भन्ने कुराको सामान्य जानकारी भइसकेपछि त्यसलाई कसरी व्यवहारमा ल्याउने भन्ने कुराको मनन गर्नुपर्दछ । साना व्यवासयका लागि के पृथकता ल्याउन सकिन्छ, उपभोक्तासँग सम्पर्क कसरी बढाउन सकिन्छ लगायतका कुरामा पहिले नै विचार गर्नुपर्छ । आफूले प्रदान गर्न चाहेको वस्तु तथा सेवाको खाँचो र महत्व कस्ता उपभोक्तालाई हुन सक्छ भन्ने कुराको जानकारी राख्नुपर्दछ । व्यवसाय गर्नु भनेको खरिद विक्रिको प्रक्रिया मात्र नभएर उपभोक्तासँगको सम्बन्धलाई कायम राख्नु तथा विस्तार गर्नु पनि हो । आफ्नो उत्पादन मन पराउने उपभोक्ता तपाईँका लागि सबैभन्दा महत्वपूर्ण हो भन्ने भावनाका साथ काम गर्नु एकदमै जरुरी हुन्छ । 

आफ्नो उत्पादनलाई सकेसम्म उत्कृष्ट बनाउने अठोट
कुनै पनि उत्पादनलाई कस्तो बनाउँदा उपयुक्त हुन्छ भन्ने कुरा त्यसको प्रयोगकर्तालाई सबैभन्दा बढी थाहा हुन्छ । तपाईँको व्यवसायमा पनि यही कुरा लागू हुन्छ । त्यसैले, आफूले उपलब्ध गराइरहेको सेवा तथा वस्तु कतिको उपयोगी तथा प्रभावकारी छ, यसका कमजोरीहरु केके छन् र केके सुधार गर्दा उपयुक्त हुन्छ भन्ने कुराको निक्र्यौल प्रयोगकर्ताकै प्रतिक्रियाअनुसार गर्दा राम्रो हुन्छ । यसले उपभोक्ताहरुमाा तपाईँको विश्वसनियता बढाउनमा समेत मद्धत पुर्याउँछ । आफ्नो गल्तीहरुबाट पाठ सिकेर अघि बढ्यो भने कुनै पनि व्यवसायमा सफलता पाउन सकिन्छ ।

२०१७ मा कता जाला विश्व अर्थतन्त्र ? विश्व बैंकले गर्यो यस्तो प्रक्षेपण 

विश्व बैंकले सन् २०१७ मा विश्वव्यापी आर्थिक वृद्धिदरले गति लिने प्रक्षेपण गरेको छ । तेल तथा कमोडिटिजको मूल्यमा आएको सुधारले कमोडिटिज निर्यातकर्ता उदीयमान अर्थतन्त्रमाथिको दबाब कम भएको र ब्राजिल एवम् रूसले भोग्दै आएको कष्टकर मन्दी पनि समाप्त हुन थालेकोतर्फ औंल्याउँदै बैंकले यस्तो बताएको हो । यस वर्ष विश्वको आर्थिक वृद्धिदर केही सुध्रँदै २ दशमलव ७ प्रतिशतमा पुग्ने ‘ग्लोबल इकोनोमिक प्रोस्पेक्ट्स’ शीर्षकको प्रतिवेदनमा बैंकले बताएको छ । गतवर्ष विश्व अर्थतन्त्र सन् २००८ को वित्तीय संकटयताकै न्यून दर अर्थात् २ दशमलव ३ प्रतिशतले मात्रै बढेको थियो । 

सन् २०१६ मा १ दशमलव ६ प्रतिशतले बढेका विकसित अर्थतन्त्रको वृद्धिदर पनि सन् २०१७ मा १ दशमलव ८ प्रतिशतमा पुग्ने अपेक्षा गरिएको छ । उदीयमान तथा विकासशील अर्थतन्त्रको वृद्धिदर भने गतवर्षको भन्दा शून्य दशमलव ८ प्रतिशतले बढेर ४ दशमलव २ प्रतिशतमा पुग्ने बैंकको अनुमान छ । 

अमेरिकी अर्थतन्त्र बढ्दा चिनियाँ अर्थतन्त्र सुस्ताउने 
गतवर्ष १ दशमलव ६ प्रतिशतले मात्रै बढेको अमेरिकी अर्थतन्त्र यस वर्ष २ दशमलव २ प्रतिशतले बढ्ने बैंकले प्रक्षेपण गरेको छ । सो प्रक्षेपणमा अमेरिकाका नवनिर्वाचित राष्ट्रपति डोनाल्ड ट्रम्पको नीतिगत प्रस्तावको प्रभाव भने समायोजन नगरिएको बताइएको छ । ट्रम्पले प्रतिबद्धता जनाएअनुरूप वित्तीय प्रोत्साहनका प्याकेज लागू गर्न र पूर्वाधार खर्च बढाउन सके अर्थतन्त्र योभन्दा उच्च दरमा बढ्न सक्ने बताइएको छ ।

यस वर्ष चिनियाँ अर्थतन्त्र सुस्ताउने बैंकको प्रक्षेपण छ । गतवर्ष ६ दशमलव ७ प्रतिशतको वृद्धि बेहोरेको चिनियाँ अर्थतन्त्र यस वर्ष सुस्ताएर ६ दशमलव २ प्रतिशतमा समेटिने अनुमान गरिएको छ । इण्डोनेशिया र थाइल्याण्ड लगायतका दक्षिणपूर्वी एशियाली अर्थतन्त्र भने उच्च दरमा बढ्ने बताइएको छ । त्यस्तैगरी सन् २०१६ मा ७ प्रतिशतले विस्तार भएको भारतीय अर्थतन्त्र सन् २०१७ मा ७ दशमलव ६ प्रतिशतले बढ्ने अनुमान गरिएको छ । एजेन्सीको सहयोगमा

विजयी भाषण दिएकै सहरमा ओबामाले गरे विदाई सम्बोधन

अमेरिकी राष्ट्रपति बराक ओबामाले आफूले आफ्नो आठ वर्षे कार्यकालमा अमेरिकालाई थप राम्रो र शक्तिशाली देश बनाएको बताएका छन् । राजनीतिक यात्रा सुरु गरेको सिकागो सहरमा आफ्ना हजारौँ समर्थकको उपस्थितिमाझ बिदाइ सम्बोधन गर्दै ओबामाले आर्थिक प्रगति, इरानसँगको परमाणु सम्झौता, क्युबासँगको सम्बन्धको पुनःस्थापना र समलिङ्गी विवाहलाई कानूनी मान्यता दिने लगायतका कामलाई आफ्ना प्रमुख उपलब्धिका रुपमा प्रस्तुत गरे । अमेरिकामा अश्वेत जातिबाट राष्ट्रपतिका रुपमा सन् २००८ मा ओबामा निर्वाचित भएका थिए । सो समयमा ओबामाले आफ्नो विजयी भाषण पनि सिकागो सहरमा नै दिएका थिए ।

विदाई सम्बोधनका क्रममा ओबामाले आफूले कार्यकाल सुरु गरेको समयभन्दा अहिलेको अमेरिका हरेक हिसाबले राम्रो र शक्तिशाली भएको बताए । त्यसबेला आफूले गरेको रंगभेदविनाको अमेरिकाको परिकल्पना यथार्थवादी नरहेको र अहिले पनि जातिवाद अमेरिकाका लागि प्रमुख विभाजनकारी विषय रहेको ओबामाले बताए । ओबामाले राष्ट्रपतिहरुबीच शान्तिपूर्ण रुपमा हुने शक्ति हस्तान्तरण अमेरिकी प्रजातन्त्रको आधारशीला भएको बताए । उनले भने, “आठ वर्षअघि भन्दा अहिले अमेरिका हरहिसाबले राम्रो भएको छ, तर लोकतन्त्रलाई हामीले यस्तै त हो भनेर लिन थाल्यौं भने त्यो जोखिममा पर्छ ।“ आर्थिक असमानता, जातीय विभाजन र तथ्यका आधारमा अवधारणा नबनाइ खोक्रो टिप्पणी गरिने समाजका विभिन्न तहहरु अमेरिकाको लोकतन्त्रका तीन जोखिम भएको ओबामाको भनाइ थियो । उनले अलकायदा नेता ओसामा बिन लादेनसहित दशौँ हजार आतंकवादीलाई समाप्त पारेको भन्दै सुरक्षा निकायहरुलाई धन्यवाद समेत दिए । 

उक्त बिदाइ मन्तव्य समारोहमा प्रथम महिला मिशेल ओबामा, उपराष्ट्रपति जो बाइडेन तथा उनकी श्रीमती जिल लगायतका उपस्थिती रहेको थियो । राष्ट्रपतिले बिदाइ सम्बोधन गर्ने परम्परा अमेरिकी राजनीतिमा लामो समयदेखि रहँदै आएको छ ।

तपाईँलाई थाहा छ ? बाहिरी देशमा बनेका कार्ड चल्दैनन् जापानका एटीएममा

जापानका थुप्रै एटीएमहरुबाट जापान बाहिर बनाइएका क्रेडिट कार्ड, डेबिट कार्ड र एटीएम कार्डबाट रकम निकाल्न मिल्दैन । अपवादमा छन् मुलुकभरका २० हजार हुलाक कार्यालय र १० हजारभन्दा बढी ७–इलेभेन कन्भेनियन्स स्टोरका एटीएमहरु, जहाँबाट मात्रै तपाईँले जापान बाहिरबाट बनाइएको डेबिट कार्ड, क्रेडिट कार्ड र एटीएम कार्डबाट रकम निकाल्न सक्नुहुन्छ । यसका अलावा, यहाँबाट भिसा, प्लस, मास्टर कार्ड, माइस्ट्रो, साइरस, अमेरिकन एक्सप्रेस र जेसीबी कार्डहरुबाट पनि तपाईँले अंग्रेजी युजर मेनुसहित रकम निकाल्ने सुविधा पाउन सक्नुहुन्छ । 

हुलाक कार्यालयका एटीएम चौबिसै घण्टा खुला
७–इलेभेन स्टोरका एटीएमहरुले चौबिसै घण्टा सेवा दिन्छन् । हुलाक कार्यलयका एटीएमहरुको हकमा भने प्रमुख सहरमा रहेका केन्द्रिय कार्यालयहरुले मात्रै चौबिस घण्टा र सातै दिन सेवा प्रवाह गर्छन् । हुलाक कार्यालयहरुले पनि आकारअनुसारको समयावधिसम्म एटीएम सेवा प्रदान गर्ने गर्दछन् । विशेषतः मूख्य हुलाक कार्यालहरुले बिहान ७ बजेदेखि बेलुका ११ बजेसम्म र साताको अन्तिम दिनमा अलि कम समय सेवा दिन्छन् । त्यस्तै, मध्यम स्तरका कार्यालयहरुले बिहान ८ बजेदेखि बेलुका १० बजेसम्म सेवा दिन्छन् भने साताको अन्तिम दिन कम समय सेवा दिन्छन् । साताको आइतबार भने बन्द पनि हुन सक्छन् । त्यस्तै, साना कार्यालयहरुले बिहान ९ बजेदेखि साँझ ४ बजेसम्म खुल्छन् भने साताको अन्तिम दिन बन्द रहन्छन् ।