नेपाल राष्ट्र बैंकले आगामी असार १३ गते २१ अर्ब ९१ करोड रुपैयाँ बराबरको ट्रेजरी विक्रि गर्ने भएको छ । राष्ट्र बैंकले ९१ दिने अवधिको ९ अर्ब र ३६४ दिने अवधिको १२ सय ९२ करोड रुपैयाँ बराबरको ट्रोजरी विक्रि गर्ने घोषणा गरेको हो । राष्ट्र बैंकका अनुसार ९१ दिने अवधिको ट्रेजरी आगामी असोज ११ गते परिपक्व हुनेछ भने ३६४ दिने अवधिको ट्रेजरी २०७४ असार १३ गते परिपक्वप हुनेछ ।
यसैबिच, राष्ट्र बैंकले बुधबार १ हजार करोड रुपैयाँको रिभर्स रिपो विक्रि गरेको छ । बजारमा रहेको अधिक तरलता नियन्त्रणका लागि ७ दिने अवधिको सो रिभर्स रिपो विक्रि गरिएको राष्ट्र बैंकले जनाएको छ । सो रिभर्स रिपो असार १५ गते परिपक्व हुनेछ ।