मिसन डेभलपमेण्ट बैंक लिमिटेडले चालु आर्थिक वर्षको तेस्रो त्रैमासमा पाँच करोड ६० लाख रुपैयाँ खुद मुनाफा आर्जन गरेको छ । बैंकले गत आर्थिक वर्षको सोही अवधिको तुलनामा ७५ प्रतिशत बढी नाफा कमाएको हो । गत आर्थिक वर्षको तेस्रो त्रैमासमा मिसनले तीन करोड २२ लाख रुपैयाँ खुद मुनाफा आर्जन गरेको थियो ।
१९ करोड ४९ लाख रुपैयाँ चुक्तापुँजी भएको बैंकले निक्षेपमा ४८ दशमलव ७८ प्रतिशतले वृद्धि गरी दुई अर्ब ६३ करोड रुपैयाँ संकलन गरेको छ भने कर्जामा दुई अर्ब ४० करोड ८१ लाख रुपैयाँ लगानी गरेको छ । बैंकको खुद व्याज आम्दानी ५३ दशमलव ९४ प्रतिशतले बढेर ११ करोड ७९ लाख रुपैयाँ पुगेको छ भने संचालन मुनाफा ७६ प्रतिशतले बढेर आठ करोड ८१ लाख रुपैयाँ पुगेको छ ।
बैंकको पुँजीकोषको अनुपात १२ दशमलव ९८ प्रतिशत, निष्कृय कर्जा शून्य दशमलव ४५ प्रतिशत, प्रतिसेयर आम्दानी वार्षिक ३८ दशमलव ३६ रुपैयाँ र तरलता अनुपात १९ दशमल ३३ प्रतिशत रहेको छ ।
