नेरुडे लघुवित्त विकास बैंक लिमिटेडले चालू आर्थिक वर्षको तेस्रो त्रैमासमा सात करोड ८५ लाख रुपैयाँ खुद मुनाफा आर्जन गरेको छ । बैंकले गत आर्थिक वर्षको सोही अवधिको तुलनामा ४५ दशमलव ०९ प्रतिशत बढी नाफा कमाएको हो । गत आर्थिक वर्षको तेस्रो त्रैमासमा नेरुडेले पाँच करोड ४१ लाख रुपैयाँ खुद मुनाफा आर्जन गरेको थियो ।
२१ करोड ६० लाख रुपैयाँ चुक्तापुँजी भएको बैंकले निक्षेपमा ३७ दशमलव ६५ प्रतिशतले वृद्धि गरी एक अर्ब तीन करोड १२ लाख रुपैयाँ संकलन गरेको छ भने कर्जामा दुई अर्ब ९८ करोड ९५ लाख रुपैयाँ लगानी गरेको छ । बैंकको खुद व्याज आम्दानी ३४ दशमलव नौ प्रतिशत बढेर २३ करोड ६५ लाख रुपैयाँ पुगेको छ भने संचालन मुनाफा ४४ दशमलव ७० प्रतिशतले बढेर १२ करोड ३४ लाख रुपैयाँ पुगेको छ ।
बैंकको प्रतिसेयर आम्दानी ४८ दशमलव ५० रुपैयाँ, मुल्य आम्दानीको अनुपात ३० दशमलव ७२ गुणा, प्रतिसेयर नेटवर्थ दुई सय दुई दशमलव ७३ रुपैयाँ र तरलता अनुपात ११ दशमलव ७१ प्रतिशत, निष्कृय कर्जा शुन्य दशमलव ८३ प्रतिशत र पुँजीकोष अनुपात १४ दशमलव ४१ प्रतिशत रहेको छ ।
