अमेरिकी राष्ट्रपति डोनाल्ड ट्रम्प विश्वका अर्वपतिहरुको सूचिको ५४४औँ स्थानमा परेका छन् । अमेरिकाको चर्चित म्यागाजिन फोब्र्सले सार्वजनिक गरेको २०१७ का अर्वपतिहरुको सूचिका अनुसार ट्रम्प गत वर्षको तुलनामा २२० स्थान तल झरेका हुन् । फोब्र्सको सूचिको सोही स्थानमा विश्वका अन्य १० अर्वपति समेत परेका छन् ।
गत वर्षको तुलनामा उनको सम्पत्ति घटेपछि उनको स्थान पनि खस्किएको हो । फोब्र्सका अनुसार, गत वर्षको तुलनामा एक विलियन अमेरिकी डलर सम्पत्ति घटेको छ । जसअनुसार, हाल ट्रम्पसँग ३.५ विलियन अमेरिकी डलर बराबर सम्पत्ति रहेको छ । राष्ट्रपतिय चुनावको क्रममा भएको खर्चलाई ट्रम्पको सम्पत्ति घट्नुको कारण मानिएको छ ।
