निजी क्षेत्रको निर्जीवन बीमा कम्पनी ओरिएण्टल इन्स्योरेन्स कम्पनीे लिमिटेडले चालु आर्थिक वर्षको दोस्रो त्रैमासमा सात करोड १३ लाख रुपैयाँ खुद मुनाफा आर्जन गरेको छ । कम्पनीले गत आर्थिक वर्षको सोही अवधिको तुलनामा २७ दशमलव ३१ प्रतिशत कम नाफा कमाएको हो । गत आर्थिक वर्षको दोस्रो त्रैमासमा ओरिएण्टलले नौ करोड ८१ लाख रुपैयाँ मुनाफा आर्जन गरेको थियो ।
यो अवधिमा कम्पनीको जगेडा तथा कोष १४ करोेड ८५ लाख रुपैयाँ नेगेटिभमा रहेको भने बीमा कोषमा ३७ करोड आठ लाख रुपैयाँ राखिएको छ । कम्पनीको आम्दानी २७ प्रतिशतले घटेर आठ करोड २३ लाख रुपैयाँ पुगेको छ भने खर्च १७ प्रतिशतले घटेर एक करोड १० लाख रुपैयाँ रहेको छ । बीमाशूल्क वापत ३८ करोड ४३ लाख रुपैयाँ आर्जन गरेको कम्पनील २१ करोड २३ लाख रुपैयाँ बराबरको दाबी भुक्तान गरेको छ । यो अवधिमा नौ हजार सात सय ५६ वटा बीमालेख जारी गरेको कम्पनीले छ सय ९० वटा दाबी भुक्तान गरेको छ ।
